03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Շրի Լանկայի մոտակայքում իրանական ռազմանավ է խորտակվել
Քաղաքականություն
04.03.2026 | 13:36
Շրի Լանկայի իշխանությունները հայտնում են, որ երկրի ռազմածովային և ռազմաօդային ուժեր են ուղարկվել՝ փրկելու իրանցի նավաստիներին, որոնք աղետի ազդանշան են ուղարկել կղզու մոտ նրանց նավի խորտակվելուց հետո, գրում է BBC-ն։
Արտգործնախարար Վիջիտա Հերաթը խորհրդարանին հայտնել է, որ լուսաբացին «IRIS Dena» նավից աղետի ազդանշան է ստացվել։ Ըստ որոշ տեղեկությունների՝ նավի վրա 180 մարդ է եղել։ Հերաթը հայտնել է, որ նավի վրա գտնվող 30 վիրավոր նավաստիներ տեղափոխվել են Շրի Լանկայի Գալլե նավահանգստի հիվանդանոց։
Նավի խորտակման պատճառը հայտնի չէ։ Ընդդիմադիր պատգամավորը հարցում է ուղարկել՝ արդյո՞ք նավը ռմբակոծվել է Իրանի դեմ ԱՄՆ-ի և Իսրայելի հարձակումների շրջանակում, սակայն պաշտոնական պատասխան դեռևս չի եղել։
Թարգմանությունը՝ Էմմա Չոբանյանի
