Ադրբեջանական զորքերը մարտական ​​պատրաստության են բերվել և տեղակայվել են Իրանի հետ սահմանին. OC Media

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Ադրբեջանական զորքերը, ըստ որոշ տեղեկությունների, մարտական ​​պատրաստության են բերվել և տեղակայվել Իրանի հետ սահմանին, հաղորդում է անկախ Qazetchi լրատվամիջոցը՝ հղում անելով աղբյուրներին: Այս քայլը կատարվում է այն ժամանակ, երբ Իրանի դեմ ԱՄՆ-ի և Իսրայելի պատերազմում ներգրավվել են նաև տարածաշրջանի երկրները, գրում է OC Media-ն։

Անանուն աղբյուրներից Qazetchi-ին հաստատած տեղեկության համաձայն՝ «Պաշտպանության նախարարությունը, Պետական ​​սահմանային ծառայությունն ու Ներքին գործերի և արտակարգ իրավիճակների նախարարությունն անցել են բարձր պատրաստության ռեժիմի»։

Պաշտպանության նախարարությունը ո՛չ հաստատել, ո՛չ էլ հերքել է տեղեկատվությունը, նաև չի պատասխանել OC Media-ի մեկնաբանության հարցումներին։

Qazetchi-ին գրում է, որ «զինվորների, ենթասպաների և սպաների արձակուրդները» չեղարկվել են: Ըստ տեղեկությունների՝ արձակուրդում գտնվող սպաները հետ են կանչվել: Իրանի հետ սահմանին տեղակայվել են անօդաչու թռչող սարքերի և ցածր թռչող ինքնաթիռների դեմ պաշտպանական համակարգեր:

Ընդդիմադիր քաղաքական գործիչ Յադիգար Սադիգլին OC Media-ին ասել է, որ Ադրբեջանի համար նորմալ է սահմանի երկայնքով պաշտպանական ուժեր կուտակելը։

«Պետության ղեկավարը, իհարկե, պետք է որոշակի նախազգուշական միջոցներ, որոշակի քայլեր ձեռնարկի, և եթե նրանք ձեռնարկել են, կարծում եմ՝ նորմալ է։ Շատ բան կարող է պատահել։ Վաղը կարող է քաոս առաջանալ, որևէ ռազմական ստորաբաժանման հրամանատար կարող է ինքնուրույն գործողություններ ձեռնարկել»,- ասել է Սադիգլին։

Նա հավելել է, որ հարևան երկրի համար «լիովին բնական» է իր զինված ուժերը բարձր մարտական ​​պատրաստության վիճակի բերելը։

«Ենթադրենք՝ հրթիռը կարող է խուսափել իր նշանակետից և հարվածել Ադրբեջանին, բայց դա կարող է լինել նաև այլ բան։ Հատկապես կարևոր է ՀՕՊ ուժերը հասցնել բարձր մարտական ​​պատրաստության։ Պետք է լինի նաև ավիացիայի աջակցություն, և, իհարկե, ցամաքային ուժերը նույնպես պետք է պատրաստ լինեն»,- նշել է Սադիգլին։

Որոշ ռազմական փորձագետներ նշել են, որ Qazetchi-ն չպետք է կիսվեր տեղեկատվությամբ՝ վկայակոչելով պետական ​​անվտանգության հետ կապված մտահոգությունները: Մյուսները, սակայն, աջակցել են տեղեկատվության հրապարակումը։

Իրանի կողմից այլ մահմեդական երկրների վրա հարձակման պատճառով Ադրբեջանում լարվածության աճին զուգընթաց՝ Բաքվում Ճապոնիայի դեսպանատունը սկզբում հայտարարեց, որ դադարեցրել է գործունեությունը անհայտ ժամկետով, ինչը քննարկումներ առաջացրեց հնարավոր հարձակումների և սպառնալիքների մասին սոցիալական ցանցերում։ Ավելի ուշ դեսպանատունը հերքեց, որ դադարեցրել է գործունեությունն Ադրբեջանում՝ ասելով, որ երկուշաբթի և երեքշաբթի օրերին ժամանակավորապես փակ է եղել միայն հյուպատոսական բաժինը։

«Չնայած ներկայում որևէ կոնկրետ սպառնալիքի մասին տեղեկատվություն չկա, Մերձավոր Արևելքում լարված իրավիճակի լույսի ներքո այցելուների անվտանգությունն ապահովելու համար ժամանակավորապես փակվել է միայն հյուպատոսական բաժինը»,- հայտարարել է դեսպանատունը։

Մինչ այդ, թալիշ մարդու իրավունքների պաշտպան Հիլալ Մամեդովը սոցիալական ցանցերում ակնարկել է, որ բանակի տեղակայումը, «հնարավոր է, փախստականների հոսքը կանխելու համար է»։

«Եթե Իրանի դեմ ցամաքային զորքեր տեղակայվեն, ակնհայտ է, որ դա կհանգեցնի ավելի սարսափելի հետևանքների. անկասկած, այս պայքարին կմիանան ոչ միայն միլիոնավոր մարդիկ, այլև տասնյակ հազարավոր երեխաներ և կանայք ստիպված կլինեն ապաստան փնտրել հարևան երկրներում, այդ թվում՝ մեր։ Անկասկած, այս դեպքում մենք նույնպես ստիպված կլինենք ամեն հնարավոր օգնություն ցուցաբերել Իրանի ժողովրդին»,- նշել է նա։

Թարգմանությունը՝ Էմմա Չոբանյանի