27.06.2026 | 19:58
Ռաիսա Մկրտչյանը նշանակալի ներդրում է ունեցել նոր սերնդի կրթության և դաստիարակության գործում․ Փաշինյան
Հայտնի է՝ երբ Արման Ծառուկյանը կարող է չեմպիոնական մենամարտ անցկացնել UFC-ում
03.03.2026 | 19:10
UFC-ի թեթև քաշային կարգի դասակարգման երկրորդ համար Արման Ծառուկյանը պատմել է UFC-ի ղեկավարներից Հանտեր Քեմպբելի հետ զրույցի մասին։ Հայ մարտիկը նշել է, որ այս տարվա աշնանը կարող է ունենալ չեմպիոնական մենամարտ անցկացնելու հնարավորություն։
«Մի քանի շաբաթ առաջ զրուցել եմ Հանտերի հետ։ Ես ունեմ մի քանի տարբերակ, որոնցից մեկը թեթև քաշային կարգի չեմպիոնական մենամարտի անցկացումն է սեպտեմբերին կամ հոկտեմբերին։ Մինչև այդ պետք է սպասենք երկու մենամարտի արդյունքների»,- ասել է Արման Ծառուկյանը Արիել Հելվանիի հետ հարցազրույցում։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
