18.08.2026 | 10:35
Սևանա լճի մակարդակը անցած տարվա նույն ժամանակահատվածի համեմատ 15 սմ-ով բարձր է
Իսրայելը հայտնել է Իրանի հրթիռային հարձակման հետևանքով երեք վայրում 12 վիրավորի մասին
Քաղաքականություն
03.03.2026 | 19:50
Իրանի կողմից վերջին բալիստիկ հրթիռային հարձակման հետևանքով կենտրոնական Իսրայելի երեք վայրերում վիրավորվել է 7 մարդ, գրում է The Times of Israel-ը։
Կասետային ռումբերի մարտագլխիկներից որսացված հրթիռի բեկորները կամ ենթազինամթերքը հարվածել են մի քանի վայրերի։ Իսրայելի բանակը հայտնում է, որ ուսումնասիրում է հարվածի վայրերը։
Բուժօգնություն է ցուցաբերվել 40-ամյա մի կնոջ, որը վիրավորվել էր պայթյունից։ Նրա վիճակը միջին ծանրության է։ Եվս 6 մարդ, որոնք վիրավորվել են ապակու բեկորներից և պայթյուններից, լավ վիճակում են։
Ավելի ուշ հաղորդվել է, որ կենտրոնական Իսրայելի վրա իրանական հրթիռային հարձակման հետևանքով վիրավորների թիվը հասել է 12-ի։
Բացի այդ, նշվում է, որ Իսրայելի ռազմաօդային ուժերը Թեհրանում Իրանի ռեժիմի թիրախների դեմ իրականացնում են ավիահարվածների «լայնածավալ» ալիք, հայտարարել է Իսրայելի բանակը։
Թարգմանությունը՝ Էմմա Չոբանյանի
