02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Ֆրանսիան Rafale կործանիչներ է տեղակայել ԱՄԷ-ի երկնքում, նախատեսում է ԱԹՍ-ների դեմ պայքարի համակարգեր ուղարկել Կիպրոս
Քաղաքականություն
03.03.2026 | 22:23
Ֆրանսիան Rafale կործանիչներ է տեղակայել Արաբական Միացյալ Էմիրությունների (ԱՄԷ) երկնքում՝ իր ռազմածովային և օդային բազաներն Իրանի հարձակումներից պաշտպանելու համար, որոնցից մեկ բազա արդեն թիրախավորվել է անօդաչու թռչող սարքի միջոցով, երեքշաբթի օրը հայտարարել է արտգործնախարար Ժան-Նոել Բարոն, գրում է DW-ն։
«Այս Rafale-ները և դրանց օդաչուները մոբիլիզացված են մեր օբյեկտների անվտանգությունն ապահովելու համար։ Նրանք գործողություններ են իրականացրել մեր բազաների վերևում գտնվող օդային տարածքն ապահովելու համար»,- BFMTV-ին ասել է Բարոն։
Նախարարի խոսքով՝ «կիրակի անօդաչու թռչող սարքով հարված է հասցվել Արաբական Միացյալ Էմիրություններում գտնվող ֆրանսիական բազայի անգարին»։
Միևնույն ժամանակ, Կիպրոսի CNA գործակալությունը հաղորդել է, որ Ֆրանսիան ծրագրում է կղզի ուղարկել հակահրթիռային և հակաօդային համակարգեր, ինչպես նաև ֆրեգատ՝ այն բանից հետո, երբ տեղի բրիտանական ավիաբազան անօդաչու թռչող սարքերով հարձակման է ենթարկվել։ CNA-ը հայտնել է, որ Ֆրանսիայի նախագահ Էմանուել Մակրոնը երեքշաբթի վաղ առավոտյան այդ մտադրության մասին հայտնել է Կիպրոսի նախագահ Նիկոս Քրիստոդուլիդեսին։
Կիպրոսը ԵՄ անդամ պետություն է, որն ամենամոտն է Մերձավոր Արևելքին, իսկ Լառնակա քաղաքը գտնվում է Լիբանանի ամենամոտ կետից շուրջ 208 կմ հեռավորության վրա։
Թարգմանությունը՝ Էմմա Չոբանյանի
