03.03.2026 | 16:36
Զելենսկին օգնություն է առաջարկել իրանական ԱԹՍ-ների դեմ պայքարում՝ ՌԴ-ի հետ մեկամսյա հրադադարի դիմաց. Bloomberg
Իսրայելի բանակը հայտարարել է, որ հարվածել է Իրանի նախագահի նստավայրին և Անվտանգության խորհրդի շենքին
Քաղաքականություն
03.03.2026 | 15:05
Իսրայելի զինված ուժերը հայտարարել են, որ ավիահարվածներ են հասցրել Իրանի նախագահական նստավայրին և Թեհրանում գտնվող Ազգային անվտանգության խորհրդի շենքին։
«Իսրայելի ռազմաօդային ուժերը գիշերը հարվածել և ապամոնտաժել են Թեհրանի սրտում գտնվող իրանական ահաբեկչական ռեժիմի ղեկավարության համալիրի տարածքում գտնվող օբյեկտները: Համալիրի վրա հարվածի ընթացքում բազմաթիվ զինամթերք է նետվել նախագահական նստավայրի և Ազգային անվտանգության բարձրագույն խորհրդի շենքի վրա»,- ասել է զինվորականը։
Ավելի վաղ Իսրայելի պաշտպանության նախարար Իսրայել Կացը հայտարարել էր, որ երկրի ռազմաօդային ուժերը «զգալի ուժով» հարվածել են Թեհրանում գտնվող ռեժիմի թիրախներին։
Կացը հայտարարել էր, որ Իսրայելը շարունակում է «նվազեցնել» նաև երկրում հրթիռային արձակման հնարավորությունները։ Ըստ նրա՝ իրանական գործողությունը «կշարունակվի ամբողջ ուժով այնքան ժամանակ, որքան անհրաժեշտ է»։
Թարգմանությունը՝ Էմմա Չոբանյանի
