07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
Արման Ծառուկյանը դարձյալ կմրցի Ջորջիո Պուլասի հետ, որի դեմ առաջին մենամարտն ավարտվել էր սկանդալով
03.03.2026 | 13:22
UFC-ի թեթև քաշային կարգի դասակարգման երկրորդ համար Արման Ծառուկյանը ռևանշ մենամարտ կանցկացնի ամերիկացի ըմբիշ և բլոգեր Ջորջիո Պուլասի հետ։
Մենամարտը տեղի կունենա մարտի 11-ին Ռիո դե Ժանեյրոյում կայանալիք HYPE FC Brazil մրցաշարում, հաղորդում է մրցաշարի մամուլի ծառայությունը։
Մենամարտը կանցկացվի գրեփլինգի կանոններով՝ 10 րոպե տևողությամբ։ Հաղթող կլինի միայն այն դեպքում, եթե մարտիկներից մեկը հանձնվի։
Արման Ծառուկյանը նույն կանոններով դեկտեմբերի 30-ին Երևանում մրցել էր նաև UFC-ի մարտիկ Շառա Բուլետի (Շարաբուտդին Մագոմեդով) հետ։ Գրանցվել էր ոչ-ոքի։
Հիշեցնենք, որ Արման Ծառուկյանը և Ջորջիո Պուլասն օրեր առաջ ազատ ոճի ըմբշամարտի մենամարտ էին անցկացրել RAF (Real American Wrestling) լիգայում։ Հայ մարտիկը հաղթել էր 5։3 հաշվով, իսկ մենամարտի եզրափակիչ ազդանշանից անմիջապես հետո հարվածել էր հատակին հայտնված մրցակցին, ինչից հետո սկսվել էր զանգվածային բախում։
