06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Բրազիլիայի չեմպիոնի գլխավոր մարզիչը հեռացվել է 8։0 հաշվով հաղթանակից հետո
03.03.2026 | 14:32
Ֆուտբոլի Լիբերտադորեսի գավաթակիր ու Բրազիլիայի գործող չեմպիոն «Ֆլամենգոյի» գլխավոր մարզիչ Ֆելիպե Լուիսը հեռացվել է զբաղեցրած պաշտոնից, հաղորդում է ակումբի մամուլի ծառայությունը։
40-ամյա մասնագետի հեռացումը տեղի է ունեցել Ռիո դե Ժանեյրո նահանգի առաջնության կիսաեզրափակիչի հանդիպումից ժամեր անց։ Այդ խաղում «Ֆլամենգոն» 8։0 հաշվով հաղթել է «Մադուրեյրային» ու դուրս եկել եզրափակիչ։
Ավելի վաղ «Ֆլամենգոն» Բրազիլիայի Սուպերգավաթի խաղում պարտվել էր «Կորինտիանսին», իսկ Հարավային Ամերիկայի գավաթի եզրափակիչում՝ արգենտինական «Լանուսին»։
Ֆելիպե Լուիսը 2024 թվականից էր գլխավորում բրազիլական ակումբը։ «Ֆլամենգոն» նրա գլխավորությամբ դարձել է Լիբերտադորեսի գավաթի հաղթող, Բրազիլիայի չեմպիոն, գավաթակիր ու սուպերգավաթակիր։ Ֆուտբոլային կարիերայի ընթացքում նախկին պաշտպանը խաղացել է Բրազիլիայի ազգային հավաքականում, Մադրիդի «Աթլետիկոյում», Լոնդոնի «Չելսիում» ու այլ ակումբներում։
