16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Իրանում հուղարկավորել են Մինաբի դպրոցին հասված հարվածի հետևանքով զոհերին. ՏԵՍԱՆՅՈՒԹ
Քաղաքականություն
03.03.2026 | 15:35
Իրանի Մինաբ քաղաքի Շաջարե Թայեբե դպրոցի 168 աշակերտներին հողին են հանձնել, որոնք զոհվել են ԱՄՆ-Իսրայելական հարձակման ժամանակ, գրում են իրանական լրատվամիջոցները։
Իշխանությունների տվյալներով՝ դպրոցը հրթիռային հարձակման է ենթարկվել փետրվարի 28-ին։ Տեղի դատախազը պնդում է, որ դպրոցում զոհվել է 168 մարդ, վիրավորվել՝ 96-ը։ Նա ասել է, որ զոհերի մեծ մասն աշակերտուհիներ են։
Դպրոցը գտնվում է Իսլամական հեղափոխության պահապանների կորպուսի (ԻՀՊԿ) բազայի մոտ, որն ավելի վաղ հարվածների էր ենթարկվել։ Այս կապակցությամբ ԱՄՆ պետքարտուղար Մարկո Ռուբիոն հայտարարել է, որ «Միացյալ Նահանգները երբեք միտումնավոր չի թիրախավորի դպրոցը»։
Իսրայելական բանակը, իր հերթին, հայտարարել է, թե տեղյակ չէ դպրոցի մոտակայքում տեղի ունեցած որևէ գործողության մասին։
Թարգմանությունը՝ Էմմա Չոբանյանի
