02.07.2026 | 22:50
Հաստատվել է ՀՀ 2027-2029 թթ. պետական միջնաժամկետ ծախսերի ծրագիրը
«Մխիթարյանի փոխանցումը՝ մաքուր պոեզիա»․ «Ինտերի» հայերեն գրառումը․ ՏԵՍԱՆՅՈՒԹ
03.03.2026 | 11:28
Իտալական «Ինտերը» սոցիալական ցանցերում կատարել է հայատառ գրառում՝ անդրադառնալով Հայաստանի ազգային հավաքականի նախկին ավագ, 37-ամյա կիսապաշտպան Հենրիխ Մխիթարյանի տպավորիչ գոլային փոխանցմանը «Ջենոայի» դեմ Իտալիայի առաջնության 27-րդ տուրի խաղում։
«Մխիթարյանի փոխանցումը՝ մաքուր պոեզիա։ Հետևիր մեզ՝ Հայաստանի համար ստեղծված այլ բովանդակության համար»,- նշված է գրառման մեջ։
«Ջենոային» «Ինտերը» հաղթել էր 2։0 հաշվով։ Մխիթարյանը դաշտ էր դուրս եկել մեկնարկային կազմում, իսկ 31-րդ րոպեին գոլային փոխանցում էր կատարել իտալացի պաշտպան Ֆեդերիկո Դիմարկոյին, որը բացել էր հանդիպման հաշիվը։
Իտալիայի ընթացիկ առաջնությունում հայ կիսապաշտպանը մասնակցել է 20 խաղի, դարձել 2-ական գոլի ու գոլային փոխանցման հեղինակ։
