10.06.2026 | 12:38
Արթուր Նահապետյանի ճեպազրույցը. ՈՒՂԻՂ
Իրանին ամենաուժեղ հարվածները դեռ առջևում են․ Մարկո Ռուբիո
Քաղաքականություն
03.03.2026 | 12:17
ԱՄՆ պետքարտուղար Մարկո Ռուբիոն հայտարարել է, որ ամերիկյան զինվորականների կողմից Իրանին ուղղված ամենաուժեղ հարվածները դեռ առջևում են, հաղորդում են BBC News-ը և The New York Times-ը։
«Ես չեմ բացահայտելու մեր մարտավարական գործողությունների մանրամասները, բայց ամերիկյան զինվորականների կողմից ամենաուժեղ հարվածները դեռ առջևում են։ Հաջորդ փուլը Իրանի համար ավելի դաժան կլինի, քան սա»,- լրագրողների հետ հանդիպմանն ասել է Ռուբիոն, գրում է Meduza-ն։
Նա նաև հայտարարել է, որ Ամերիկայի նպատակն է՝ ոչնչացնել Իրանի բալիստիկ հրթիռային հնարավորությունները և վերացնել այն սպառնալիքը, որը նրանց նավատորմը ներկայացնում է համաշխարհային նավագնացության համար։
«Այնուամենայնիվ, մենք դեմ չենք լինի, և հույս ունենք, որ իրանցի ժողովուրդը կկարողանա տապալել ներկայիս կառավարությունը և նոր ապագա ստեղծել իր երկրի համար։ Մենք շատ կցանկանայինք տեսնել դա»,- հավելել է Ռուբիոն։
Լրագրողները նաև խնդրել են ԱՄՆ պետքարտուղարին մեկնաբանել Իրանի կառավարության պնդումները, որ Մինաբ քաղաքի դպրոցի վրա հարձակման ժամանակ զոհվել են տասնյակ քաղաքացիական անձինք, այդ թվում՝ երեխաներ։
«Եթե սա մեր հարվածը լիներ, Պաշտպանության նախարարությունը կանցկացներ հետաքննություն, և ես կփոխանցեի ձեր հարցը նրանց։ Միացյալ Նահանգները միտումնավոր չէր հարվածի դպրոցին»,- արձագանքել է Ռուբիոն:
Թարգմանությունը՝ Էմմա Չոբանյանի
