16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Թրամփը հայտարարել է՝ ԱՄՆ-ը բավարար զենք ունի «հավերժ» պատերազմի համար
Քաղաքականություն
03.03.2026 | 11:21
ԱՄՆ նախագահ Դոնալդ Թրամփը Truth Social-ում մեկնաբանել է ԱՄՆ-ում «միջին և բարձր միջին կարգի» զինամթերքի պաշարները՝ հայտարարելով, թե «միայն այս պաշարներով կարելի է «հավերժ» պատերազմ մղել», գրում է BBC-ն։
«Մենք ունենք այս զենքի գործնականում անսահմանափակ պաշար։ Միացյալ Նահանգները պաշարներ ունի և պատրաստ է ՀԱՂԹԵԼ։ ՄԵԾ!!!»,- գրել է Թրամփը:
Նա նաև իր նախորդին՝ Ջո Բայդենին մեղադրել է Ուկրաինային «բարձրակարգ» ամերիկյան զենք մատակարարելու համար։ Պաշտոնավարման չորրորդ տարվա ավարտին Բայդենը թույլ էր տվել Ուկրաինային օգտագործել հզոր հեռահար ATACMS հրթիռներ, որոնք կարող են հարվածել մինչև 190 մղոն (300 կմ)։
The Wall Street Journal-ն ավելի վաղ հաղորդել էր, որ ԱՄՆ-ը ձգտում է դադարեցնել Իրանի դեմ խոշոր ռազմական գործողությունները, նախքան նրա զինամթերքի պաշարները, այդ թվում՝ հակահրթիռային և Tomahawk թևավոր հրթիռները, սկսեն սպառվել։
Զինանոցի տվյալները գաղտնի են, սակայն նախորդ ռազմական արշավների փորձը ցույց է տալիս, որ հրթիռները շատ արագ են սպառվում։
WSJ-ին բարձրաստիճան պաշտոնյան ասել է, որ ԱՄՆ-ի և Իսրայելի հարձակման պատճառներից մեկը Իրանի հրթիռային և անօդաչու թռչող սարքերով հարվածներ հասցնելու կարողության թուլացումն է։
Փորձագետները նշել են, որ եթե պատերազմը ձգձգվի, ԱՄՆ-ը, հավանաբար, ստիպված կլինի զինամթերք տեղափոխել Մերձավոր Արևելք այլ տարածաշրջաններից, որտեղ ներկա է։
Թարգմանությունը՝ Էմմա Չոբանյանի
