07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
ԱՄՆ զոհերի թիվը հասել է 6-ի. CENTCOM-ը հայտնում է Օմանի ծոցում Իրանի բոլոր ռազմանավերը ոչնչացնելու մասին
Քաղաքականություն
03.03.2026 | 11:36
Մերձավոր Արևելքում ԱՄՆ կենտրոնական հրամանատարությունը (CENTCOM) հայտարարել է, որ ԱՄՆ ռազմածովային ուժերը ոչնչացրել են Օմանի ծոցում գտնվող բոլոր իրանական ռազմանավերը, գրում է BBC-ի ռուսական ծառայությունը։
«Երկու օր առաջ իրանական ռեժիմն Օմանի ծոցում ուներ 11 նավ, այսօր՝ ոչ մեկը։ Իրանական ռեժիմը տասնամյակներ շարունակ հետապնդել և հարձակվել է Օմանի ծոցում միջազգային նավագնացության վրա։ Այդ օրերն ավարտվել են։ Ծովերի ազատությունն ավելի քան 80 տարի եղել է ամերիկյան և համաշխարհային տնտեսական բարգավաճման հիմքը։ Ամերիկյան զորքերը կշարունակեն պաշտպանել այն»,- ասվում է հրամանատարության հայտարարության մեջ։
Իրանի դեմ պատերազմի առաջին 48 ժամվա ընթացքում Միացյալ Նահանգները հարվածել է ավելի քան 1250 թիրախի։ Ըստ CENTCOM-ի՝ խոցված թիրախների թվում են հրամանատարական և կառավարման կենտրոնները, բալիստիկ հրթիռների բազաները, իրանական ռազմածովային ուժերի նավեր և սուզանավերը, ինչպես նաև հականավային հրթիռային բազաները։
Բացի այդ, ԱՄՆ Կենտրոնական հրամանատարության (CENTCOM) տվյալներով՝ Իրանի հետ պատերազմի սկսվելուց ի վեր, ընդհանուր առմամբ, զոհվել է վեց ամերիկացի զինծառայող։ Նախկինում հաղորդվել էր չորս զոհի մասին։
«ԱՄՆ ուժերը վերջերս հայտնաբերել են երկու անհետ կորած զինծառայողների մնացորդներ այն օբյեկտում, որին հարված է հասցվել Իրանի կողմից տարածաշրջանում առաջին հարձակումների ժամանակ»,- ասվում է X-ում հրապարակված հայտարարության մեջ։
Թարգմանությունը՝ Էմմա Չոբանյանի
