27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Դուբայի օդանավակայանը Մերձավոր Արևելքում պատերազմի սկսվելուց հետո իրականացրել է առաջին ուղևորատար չվերթները
Քաղաքականություն
02.03.2026 | 22:14
Մերձավոր Արևելքում պատերազմի սկսվելուց հետո Դուբայի միջազգային օդանավակայանից իրականացվել է առաջին ուղևորատար չվերթը։ Այս մասին հայտնում է ՏԱՍՍ գործակալությունը՝ հղում անելով ավիադիսպետչերական շրջանակների աղբյուրին։
Meduza.io-ի փոխանցմամբ՝ առաջին ինքնաթիռը մեկնել է Սամարղան՝ Ուզբեկստան։
Ավելի վաղ էմիրության մամուլի ծառայությունը հայտնել էր, որ Դուբայի միջազգային օդանավակայանները կարող են այսօր սահմանափակ ռեժիմով վերականգնել աշխատանքը։ Միաժամանակ տեղի իշխանությունները խորհուրդ են տալիս չմեկնել օդանավակայաններ, քանի դեռ ավիաընկերությունները «ուղղակիորեն չեն կապվել և չեն հաստատել թռիչքի ժամը»։
Հազարավոր զբոսաշրջիկներ հայտնվել են Պարսից ծոցի երկրների, այդ թվում՝ ԱՄԷ-ի տարածքում՝ Իրանի, ԱՄՆ-ի և Իսրայելի միջև սկսված ռազմական գործողությունների հետևանքով։ Կողմերը փոխանակվում են հարվածներով, ինչի ֆոնին միջազգային ավիաընկերությունները չեղարկել կամ հետաձգել են դեպի այդ երկրներ և հակառակ ուղղությամբ իրականացվող չվերթները։
Հիշեցնենք, որ Դուբայի օդանավակայանը՝ աշխարհի խոշորագույններից մեկը, դադարեցրել էր չվերթների ընդունումն ու իրականացումը փետրվարի 28-ին՝ Իրանի դեմ ԱՄՆ-ի և Իսրայելի ռազմական գործողությունների մեկնարկից հետո։
