04.06.2026 | 21:44
Հայաստանը 5500 վարդ է արտահանել Լատվիա. ԵՄ-ն խոստանում է աջակցել հայկական արտադրանքի մուտքին եվրոպական շուկա
Արման Ծառուկյանը պատմել է՝ ինչու է մենամարտի վերջում հարվածել մրցակցին
02.03.2026 | 18:25
UFC-ի թեթև քաշային կարգի դասակարգման երկրորդ համար Արման Ծառուկյանը ռուս պրոմոութեր Կամիլ Գաջիևի հետ զրույցում անդրադարձել է ԱՄՆ-ի Արիզոնա նահանգի Տեմպե քաղաքում կայացած RAF 06 ազատ ոճի ըմբշամարտի մրցաշարում տեղի ունեցած սկանդալային միջադեպին։ Ամերիկացի ըմբիշ և բլոգեր Ջորջիո Պուլասի հետ մենամարտի եզրափակիչ ազդանշանից անմիջապես հետո հայ մարտիկը հարվածել էր հատակին հայտնված մրցակցին, ինչից հետո սկսվել էր զանգվածային բախում։
«Նա կեղտոտ պայքար էր մղում ամբողջ գոտեմարտի ընթացքում, անընդհատ բռնում էր մատներս ու հարվածում դեմքիս։ Զայրույթից եռում էի, մտածում էի՝ հենց մենամարտն ավարտվի, կպատասխանեմ նրան։ Մենամարտն ավարտվեց ու հարվածեցի նրան։ Դրանից հետո կրքերը թեժացան»,- ասել է Արման Ծառուկյանը, հաղորդում է Sport24-ը։
«Որքանով հասկանում եմ, այս պահին որևէ հանցավոր բան տեղի չի ունենում, և իրավիճակը, ընդհանուր առմամբ, վերահսկողության տակ է։ Թե ինչ հետևանքներ կունենա դա, դեռ հարց է»,- ասել է Կամիլ Գաջիևը։
