15.07.2026 | 12:10
ԵՄ-ի արտոնությունը հայկական ապրանքներին // Անկարգություն Փարիզում ԱԱ-ում Ֆրանսիայի պարտությունից հետո․ ԼՈՒՐԵՐ
Ես առաջինը հասա նրան, նախքան նա կհասներ ինձ. Թրամփը՝ Խամենեիի սպանության մասին
Քաղաքականություն
02.03.2026 | 18:02
ԱՄՆ նախագահ Դոնալդ Թրամփը պնդում է, որ Իրանի իշխանությունները երկու անգամ փորձել են սպանել իրեն, բայց ինքը կարողացավ առաջինը սպանել երկրի գերագույն առաջնորդ այաթոլլահ Ալի Խամենեիին, գրում է Meduza-ն։
«Ես նրան հասա, նախքան նա [կհասներ] ինձ։ Նրանք երկու անգամ փորձեցին։ Բայց ես առաջինը եղա»,- ասել է Թրամփը ABC News-ին տված հարցազրույցում։
2024 թվականի նոյեմբերին ԱՄՆ Արդարադատության նախարարությունը հայտնել էր, որ ՀԴԲ-ն կանխել է Թրամփի դեմ Իրանի Իսլամական հեղափոխության պահապանների կորպուսի (ԻՀՊԿ) կողմից կազմակերպված մահափորձը: 51-ամյա ԻՀՊԿ գործակալ Ֆարհադ Շաքերին հեռակա կարգով մեղադրվել էր մահափորձը կազմակերպելու մեջ: Շաքերիի երկու «հանցակիցները»՝ 49-ամյա Քարլայլ Ռիվերան և 36-ամյա Ջոնաթան Լոդհոլթը, ձերբակալվել են ԱՄՆ-ում:
Իրանի գերագույն առաջնորդ այաթոլլահ Ալի Խամենեին սպանվել է փետրվարի 28-ին՝ ԱՄՆ-ի և Իսրայելի ուժերի համատեղ գործողության արդյունքում: Իսրայելական ինքնաթիռները ռմբակոծել էին Թեհրանում գտնվող այն շենքը, որտեղ Խամենեին հանդիպում էր անցկացնում երկրի ռազմական ղեկավարության հետ: Խամենեին Իրանը ղեկավարում էր 1989 թվականից:
Թարգմանությունը՝ Էմմա Չոբանյանի
