02.03.2026 | 15:45
Թումանյան փողոցում տեղակայված «Կարաս» սննդի օբյեկտի գործունեությունը կասեցվել է
Էդուարդ Սպերցյանն արձագանքել է «Կրասնոդարից» հեռանալու մասին լուրերին
02.03.2026 | 14:33
Հայաստանի ազգային հավաքականի ավագ Էդուարդ Սպերցյանն անդրադարձել է իր՝ առաջիկա ամռանը Ռուսաստանի չեմպիոն «Կրասնոդարից» հեռանալու մասին լուրերին։
«Այս տրանսֆերային պատուհանը հանգիստ անցավ ինձ համար։ Ես իմ գործի պրոֆեսիոնալն եմ։ Ինչո՞ւ արձագանքել ասեկոսեներին։ Դրանք միշտ շատ են եղել ու կլինեն։ Ոչ միայն իմ մասին, այլև շատ ֆուտբոլիստների։ Ես երջանիկ եմ «Կրասնոդարում»։ Այս պահին կա մեկ նպատակ՝ ավելի մեծ նվաճումների հասնել ակումբի հետ։ Իսկ ամռանը կտեսնենք։ Ամեն բան հնարավոր է»,- 25-ամյա կիսապաշտպանի խոսքը մեջբերում է Championat.com-ը։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 169 հանդիպում, խփել 54 գոլ ու կատարել 45 ասիստ։ Ռուսաստանի ընթացիկ առաջնությունում կիսապաշտպանը մասնակցել է 19 հանդիպման, դարձել 9 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
