Կիպրոսում բրիտանական ավիաբազան իրանական ԱԹՍ-ի հարձակման է ենթարկվել

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Կիպրոսի Ակրոտիրիում գտնվող բրիտանական ռազմաօդային բազան ենթարկվել է անօդաչու թռչող սարքի հարվածի։ Մարտի լույս 2-ի գիշերը գրանցված հարվածի հետևանքով բազան աննշան նյութական վնաս է կրել, հայտարարել է Կիպրոսի նախագահ Նիկոս Խրիստոդուլիդիսը, գրում է DW-ի ռուսական ծառայությունը։

«Ես ուզում եմ հստակություն  մտցնել. մեր երկիրը ոչ մի կերպ ներգրավված չէ և մտադիր չէ մասնակից լինել որևէ ռազմական գործողության»,- ընդգծել է նա՝ հավելելով, որ իրավիճակի վերաբերյալ մշտական ​​կապի մեջ է այլ եվրոպացի առաջնորդների հետ։

Մեծ Բրիտանիայի պաշտպանության նախարարությունը հաստատել է Կիպրոսում գտնվող իր ռազմաբազայի վրա հարձակումը: Գերատեսչությունը հայտարարել է, որ ոչ ոք չի տուժել: Նշվում է, որ  միջոցներ են ձեռնարկվել տարածաշրջանում բրիտանական զորքերը պաշտպանելու համար:

Ավելի վաղ Reuters-ը, հղում անելով աղբյուրներին, հայտնել էր, որ Ակրոտիրիի ռազմաօդային բազան հարձակման է ենթարկվել երկու անօդաչու թռչող սարքերի կողմից, որոնցից մեկը որսացել են։

Մեծ Բրիտանիայի պաշտպանության նախարար Ջոն Հիլին հայտարարել էր, որ Բահրեյնի և Կիպրոսի ավիաբազաներից բրիտանական ինքնաթիռները կխոցեն անօդաչու թռչող սարքերը և հրթիռները, եթե այդպիսիք հայտնաբերվեն։

«Մեր անձնակազմի և նրանց ընտանիքների անվտանգությունը մեր բացարձակ առաջնահերթությունն է։ Որպես նախազգուշական միջոց՝ մենք Ակրոտիրիի ռազմաօդային ուժերի բազայում բնակվող ընտանիքի անդամներին տեղափոխում ենք Կիպրոսի մոտակայքում գտնվող այլընտրանքային կացարաններ։ Մեր բազան և անձնակազմը շարունակում են գործել բնականոն հունով՝ պաշտպանելով Մեծ Բրիտանիայի անվտանգությունը և մեր շահերը»,- ասվում է պաշտպանության նախարարության վերջին հայտարարության մեջ։

Մեծ Բրիտանիայի վարչապետ Քիր Սթարմերն ավելի վաղ հայտարարել էր, որ Լոնդոնը թույլ է տալու ԱՄՆ-ին պաշտպանական գործողություններ ձեռնարկել բրիտանական ռազմական բազաներից։

«Մեր գործընկերները Պարսից ծոցում խնդրել են մեզ ավելին անել իրենց պաշտպանելու համար։ Մենք ունենք բրիտանական ինքնաթիռներ օդում՝ որպես համակարգված պաշտպանական գործողությունների մաս, որոնք արդեն հաջողությամբ կասեցրել են իրանական հարվածները»,- ասել է նա։

Սթարմերը նաև ասել է, որ ԱՄՆ-ը «թույլտվություն է խնդրել՝ օգտագործել բրիտանական բազաները հատուկ և սահմանափակ պաշտպանական նպատակով»։

«Մենք որոշում ենք կայացրել բավարարել այս խնդրանքը՝ կանխելու համար Իրանի կողմից տարածաշրջանում հրթիռների արձակումը, որոնք կսպանեն անմեղ քաղաքացիների, կվտանգեն բրիտանացիների կյանքը և կհարվածեն այն երկրներին, որոնք ներգրավված չեն եղել»,- հավելել է նա։

 

Թարգմանությունը՝ Էմմա Չոբանյանի