26.03.2026 | 16:40
ԱԺ-ն հանձնաժողովների անդամներ ընտրեց․ ՏԵՍԱՆՅՈՒԹ
Արման Ծառուկյանը մրցաշարի կմասնակցի Բրազիլիայում
02.03.2026 | 11:28
UFC-ի թեթև քաշային կարգի դասակարգման երկրորդ համար Արման Ծառուկյանը կմասնակցի HYPE FC Brazil մրցաշարին, որը տեղի կունենա մարտի 11-ին Բրազիլիայում։ Հայ մարտիկի մրցակիցը դեռ հայտնի չէ, հաղորդում է մրցաշարի մամուլի ծառայությունը։
Մենամարտը կանցկացվի գրեփլինգի կանոններով։ Հաղթող կլինի միայն այն դեպքում, եթե մարտիկներից մեկը հանձնվի։
Արման Ծառուկյանը նույն կանոններով դեկտեմբերի 30-ին Երևանում մրցել էր նաև UFC-ի մարտիկ Շառա Բուլետի (Շարաբուտդին Մագոմեդով) հետ։ Գրանցվել էր ոչ-ոքի։ Շառա Բուլետը նույնպես մասնակցելու է HYPE FC Brazil-ին՝ գրեփլինգի կանոններով մրցելով Խորխե Մասվիդալի հետ։
Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։ Փետրվարի 28-ին նա RAF (Real American Wrestling) լիգայում ազատ ոճի ըմբշամարտի կանոններով մրցել էր ամերիկացի ըմբիշ և բլոգեր Ջորջիո Պուլասի հետ ու հաղթել 5։3 հաշվով, իսկ գոտեմարտի վերջում տեղի էր ունեցել զանգվածային բախում։
