27.07.2026 | 23:18
Ոստիկանները ձերբակալել են ապօրինի զենք պահող տղամարդուն
BFMTV. Ֆրանսիական «Շառլ դը Գոլ» ավիակիրը դուրս է եկել Միջերկրական ծով՝ Աբու Դաբիում ֆրանսիական բազայի վրա Իրանի հարձակումից հետո
Քաղաքականություն
02.03.2026 | 00:03
Ֆրանսիական «Շառլ դը Գոլ» (Charles de Gaulle) ավիակիրը ընդհատում է իր տեղակայումը Բալթիկ ծովում և ավիակիր խմբի հետ միասին ուղևորվում է Միջերկրական ծովի արևելյան հատված, հայտնում է BFMTV-ն:
Տեղափոխումը տեղի է ունենում Աբու Դաբիում գտնվող ֆրանսիական Camp de la Paix ռազմածովային բազային իրանական հարվածների ֆոնին: ԱՄԷ պաշտպանության նախարարությունը հաստատել է, որ մարտի 1-ին իրանական երկու անօդաչու թռչող սարքեր գրոհել են Էմիրությունների մայրաքաղաքում գտնվող «Աս-Սալյամ» (Camp de la Paix-ի արաբական անվանումը) ռազմածովային բազայի պահեստը, ինչի հետևանքով հրդեհվել է ընդհանուր նշանակության նյութերով երկու բեռնարկղ: Իրանն անօդաչուներով հարվածներ է հասցնում ծոցի երկրներին՝ ի պատասխան Թեհրանի դեմ փետրվարի 28-ին սկսված ամերիկա-իսրայելական ռազմական գործողության:
Ֆրանսիայի զինված ուժերի նախարար Կատրին Վոտրենը հաստատել է, որ Աբու Դաբիի նավահանգստի վրա անօդաչուների հարձակման ժամանակ վնասվել է էմիրաթական օբյեկտին սահմանակից ֆրանսիական ռազմածովային բազայի պահեստը (անգարը): Վնասը բացառապես նյութական է և սահմանափակ, զինծառայողները չեն տուժել:
Երկու օրվա մեջ երկրորդ անգամ հրավիրված Պաշտպանության խորհրդի նիստի բացմանը Ֆրանսիայի նախագահ Էմանուել Մակրոնը հայտարարել է, որ կորուստները սահմանափակվել են նյութական վնասով, և վիրավորներ չկան: Նա նաև նշել է, որ տեղի ունեցած հարվածը դրդում է ռազմական ղեկավարությանը բարձրացնել մարտունակությունը և ուժեղացնել այն գործընկերների ռազմական աջակցությունը, որոնց հետ Փարիզը պաշտպանական պայմանագրեր ունի կնքած:
ԱՄԷ պաշտպանության նախարարությունը իրանական գնդակոծությունները որակել է որպես ազգային ինքնիշխանության և միջազգային իրավունքի կոպիտ խախտում և հայտարարել, որ Էմիրությունները իրենց վերապահում են պատասխան միջոցներ ձեռնարկելու լիակատար իրավունքը:
