30.09.2026 | 15:25
«Զարմացած եմ այն ամենով, ինչ տեսա այստեղ». Լևան Կոբիաշվիլին՝ «Յուվենտուսի» հայաստանյան ակադեմիայի մասին
Իրանը հարվածել է Բահրեյնում գտնվող Crowne Plaza Manama հյուրանոցին
Քաղաքականություն
01.03.2026 | 16:33
Բահրեյնի մայրաքաղաք Մանամայում գտնվող հինգաստղանի Crowne Plaza հյուրանոցի բազմահարկ շենքը հարվածի տակ է հայտնվել, մարտի 1-ին հայտնել է երկրի ներքին գործերի նախարարությունը։
Ինչպես գրում է Reuters-ը, հյուրանոցը վնասներ է ստացել Իրանի անօդաչու թռչող սարքի հարձակման հետևանքով։ Բահրեյնի ՆԳՆ-ում հայտարարել են, որ հյուրանոցին «նյութական վնաս է հասցվել, սակայն մարդկային զոհեր չկան»։
InterContinental Hotels Group-ից, որը տնօրինում է Crowne Plaza ցանցը, CNN-ին հայտնել են, որ հյուրանոցը վնասվել է վաղ առավոտյան տեղի ունեցած «միջադեպի» հետևանքով։
Մարտի 1-ի գիշերը Բահրեյնի ՀՕՊ համակարգերը, ինչպես հայտնել են պետական լրատվամիջոցները, խոցել են առնվազն 45 հրթիռ և ինը անօդաչու թռչող սարք, որոնք արձակվել էին Իրանից։
Մանամայում ԱՄՆ դեսպանատանը CNN-ին հայտնել են, որ տեղի ունեցածի հետևանքով հյուրանոցում կան տուժածներ։
«Մենք Բահրեյնում գտնվող ԱՄՆ քաղաքացիներին զգուշացնում ենք, որ հյուրանոցները կարող են դառնալ ապագա հարձակումների թիրախ, և խորհուրդ ենք տալիս ԱՄՆ քաղաքացիներին խուսափել Մանամայի հյուրանոցներից»,-հայտարարել են դեսպանատանը։
Փետրվարի 28-ին ԱՄՆ-ն և Իսրայելը հարվածներ էին հասցրել Իրանի ռազմական օբյեկտներին, ինչին ի պատասխան Թեհրանը սկսել է հրթիռային և անօդաչու հարձակումներ իրականացնել Իսրայելի և Պարսից ծոցի երկրների օբյեկտների վրա։
