16.05.2026 | 18:39
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Գերմանիան, Ֆրանսիան և Մեծ Բրիտանիան դատապարտել են Իրանի հարվածները Մերձավոր Արևելքի երկրներին
Քաղաքականություն
28.02.2026 | 19:21
Գերմանիայի կանցլեր Ֆրիդրիխ Մերցը, Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը համատեղ հայտարարությամբ կոչ են արել Իրանի իշխանություններին դադարեցնել միջուկային ծրագիրը և վերսկսել բանակցությունները:
Առաջնորդները չեն մեկնաբանել Իսրայելի և ԱՄՆ-ի հարվածները Իրանի դեմ։ Միևնույն ժամանակ նրանք ընդգծել են, որ չեն մասնակցում այդ հարձակումներին, սակայն գտնվում են «գործընկերների հետ սերտ կապի մեջ»։
«Մենք ամենավճռական կերպով դատապարտում ենք Իրանի հարձակումները տարածաշրջանի երկրների վրա։ Իրանը պետք է ձեռնպահ մնա չտարբերակված ռազմական հարվածներից»,- նշվում է հայտարարությունում։
Ավելի վաղ Մակրոնը կոչ էր արել ՄԱԿ-ի Անվտանգության խորհրդի արտահերթ նիստ հրավիրել Մերձավոր Արևելքում իրավիճակի սրման ֆոնին:
«Իրանական ռեժիմը պետք է հասկանա, որ այժմ այլ ընտրություն չունի, քան բարեխղճորեն մասնակցել իր միջուկային և բալիստիկ ծրագրերի դադարեցման, ինչպես նաև տարածաշրջանի ապակայունացմանն ուղղված գործողություններին», – գրել է նա Х սոցցանցում:
Հիշեցնենք, որ այսօր՝ փետրվարի 28-ի առավոտյան, ԱՄՆ-ը և Իսրայելը հարվածներ են հասցրել Իրանի ուղղությամբ։ Իսրայելի արտաքին գործերի նախարարությունը հայտարարել էր, որ Իսրայելը կանխարգելիչ հարված է հասցրել Իրանին՝ Իսրայելին սպառնացող վտանգը չեզոքացնելու համար։ Հաղորդվում էր, որ Իսրայելի հարվածների հետևանքով 42 աշակերտ է զոհվել։ Reuters-ը ևս իր աղբյուրներին հղումով հայտնում է պաշտպանության նախարարի և Իսլամական հեղափոխության պահապանների կորպուսի հրամանատարի մահվան մասին։
Իսրայելական հեռուստատեսությունը, վկայակոչելով անանուն աղբյուրների, հայտարարում է, որ «աճում են նշանները, որ այաթոլլան ոչնչացվել է»:
