07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Արսեն Թորոսյանն ու Ռաֆայել Բենիտեզը քննարկել են Եվրոպայի խորհրդի հետ համագործակցության զարգացման առաջնահերթ ուղղությունները
Քաղաքականություն
27.02.2026 | 16:19
Հայաստանի Հանրապետության աշխատանքի և սոցիալական հարցերի նախարար Արսեն Թորոսյանը փետրվարի 27-ին ընդունել է Եվրոպայի խորհրդի Մարդու իրավունքների և իրավունքի գերակայության գլխավոր տնօրինության սոցիալական իրավունքների, առողջապահության և շրջակա միջավայրի վարչության տնօրեն Ռաֆայել Բենիտեզին։
Ինչպես տեղեկանում ենք ՀՀ ԱՍՀ նախարարության տարածած հաղորդագրությունից, հանդիպման ընթացքում քննարկվել են Եվրոպայի խորհրդի հետ համագործակցության զարգացման առաջնահերթ ուղղությունները, ինչպես նաև համատեղ իրականացված աշխատանքների ընթացքն ու արդյունքները․
Անդրադարձ է կատարվել նաև սոցիալական պաշտպանության ոլորտի բարեփոխումներին, մարդու իրավունքների վրա հիմնված քաղաքականությունների ընթացքին և խոցելի խմբերի իրավունքների պաշտպանության ամրապնդման մեխանիզմներին։
Արսեն Թորոսյանը խոսել է ոլորտային առաջնահերթությունների մասին՝ մանրամասնելով ապաինստիտուցիոնալացման գործընթացի, ինչպես նաև հոգեկան առողջության խնդիրներ ունեցող անձանց տրամադրվող ծառայությունների որակի ու հասանելիության բարձրացման ուղղությամբ աշխատանքները։
Ռաֆայել Բենիտեզը շնորհակալություն է հայտնել նախարարության կողմից սահմանված գերակայությունների և ընթացիկ ծրագրերի ներկայացման համար՝ վերահաստատելով Եվրոպայի խորհրդի պատրաստակամությունը շարունակել համագործակցությունը ՀՀ-ում ոլորտային բարեփոխումների իրականացման ուղղությամբ։
