07.09.2026 | 11:52
Ուկրաինական ԱԹՍ-ների հարձակման հետևանքով Պերմում բնակելի շենք է վնասվել․ կա զոհ․ ՏԵՍԱՆՅՈՒԹ
Ուկրաինան և ՌԴ-ն համաձայնության են եկել Զապորոժիեի ԱԷԿ-ի վերանորոգման համար տեղական հրադադարի շուրջ
27.02.2026 | 16:48
Ուկրաինան և Ռուսաստանի Դաշնությունը համաձայնության են եկել տեղական հրադադարի շուրջ՝ Զապորոժիեի ատոմակայանը սնուցող բարձրավոլտ էլեկտրահաղորդման գիծը վերականգնելու համար։
Այս մասին հաղորդում է ՌԲկ-Ուկրաինան՝ հղում անելով Ատոմային էներգիայի միջազգային գործակալության X-ի պաշտոնական էջում արված գրառմանը։
«ՄԱԳԱՏԷ-ի միջնորդությամբ կնքված ևս մեկ տեղայնացված հրադադար ուժի մեջ է մտել, որը թույլ է տալիս վերականգնել Զապորոժիեի Ատոմակայան 330 կՎ լարման պահուստային էլեկտրամատակարարումը», – հաղորդել է ՄԱԳԱՏԷ-ն։
ՄԱԳԱՏԷ-ի գլխավոր տնօրեն Ռաֆայել Գրոսին նաև հայտնել է, որ վերանորոգման աշխատանքների իրականացման տարածքում շարունակվում են ականազերծման աշխատանքները, որոնք պետք է ապահովեն վերանորոգման խմբերի անվտանգ մուտքը։
Նշենք, որ վերջին ամիսներին Ուկրաինայի և Ռուսաստանի միջև մի քանի տեղական հրադադարներ են հայտարարվել, որոնց ընթացքում վերանորոգման խմբերը վերականգնել են վնասված էլեկտրահաղորդման գծերը։ Մարտական գործողությունների պատճառով վերջին պահուստային 330 կՎ էլեկտրահաղորդման գիծն անջատվել է, և կայանը այժմ կախված է միայն մեկ գործող 750 կՎ գծով։
«Ռոսատոմ»-ի գլխավոր տնօրեն Ալեքսեյ Լիխաչովը հայտարարել է, որ Զապորոժեի ԱԷԿ-ում նորոգման աշխատանքները կտևեն առնվազն մեկ շաբաթ։
Հրադադարի այս ժամանակավոր համաձայնությունը ԱԷԿ-ի տարածքում ՄԱԳԱՏԷ-ի կողմից կնքված հինգերորդ համաձայնագիրն է։
Թարգմանությունը՝ Էմմա Չոբանյանի
