18.08.2026 | 14:39
Անգլիայի Պրեմիեր լիգայի լավագույն ֆուտբոլիստները՝ ըստ ESPN-ի
Հենրիխ Մխիթարյանը կարող է հեռանալ «Ինտերից»
26.02.2026 | 16:54
Հայաստանի ազգային հավաքականի նախկին ավագ Հենրիխ Մխիթարյանն այս մրցաշրջանի վերջում կարող է հեռանալ իտալական «Ինտերից», հաղորդում է FCInterNews-ը՝ հղում անելով Gazzetta dello Sport-ին։
Միլանյան ակումբը մտադիր է երիտասարդացնել կազմը և հրաժեշտ տալ մի շարք ֆուտբոլիստների, որոնց թվում է նաև 37-ամյա հայ կիսապաշտպանը։ Մխիթարյանի պայմանագրի ժամկետը լրանում է այս մրցաշրջանի վերջում։
Ամռանը «Ինտերից» հեռանալու են պաշտպաններ Ստեֆան դե Վրեյը, Ֆրանչեսկո Աչերբին, Մատեո Դարմիանը և դարպասապահ Յան Զոմերը։ Հարցականի տակ է նաև Նիկոլո Բարելայի, Էնդի Դիուֆի, Դավիդե Ֆրատեզի, Հաքան Չալհանօղլուի, Մարկուս Թյուրամի և Դենզել Դումֆրիսի ապագան ակումբում։
Հիշեցնենք, որ Հայաստանի հավաքականի պատմության լավագույն ռմբարկուն 2022 թվականին է միացել «Ինտերին», որի կազմում դարձել է Իտալիայի չեմպիոն, գավաթակիր, սուպերգավաթակիր ու երկու անգամ խաղացել է Չեմպիոնների լիգայի եզրափակիչում։ Ընթացիկ մրցաշրջանում Մխիթարյանը մասնակցել է 24 հանդիպման, դարձել 2 գոլի ու 2 գոլային փոխանցման հեղինակ։
