28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
Ստրանջա․ Անուշ Գրիգորյանը հաղթել է, Բազեյանը, Չալոյանը և Քոչարյանը պարտվել են
26.02.2026 | 11:33
Բուլղարիայում շարունակվող Ստրանջայի հեղինակավոր 77-րդ միջազգային մրցաշարի հերթական մրցումային օրը հայ բռնցքամարտիկներից հաղթանակ է տարել միայն Անուշ Գրիգորյանը (51 կգ)։ Մեկնարկային մենամարտում Գրիգորյանը հաղթել է իտալացի Միշել Վեսկովինիին ու դուրս եկել քառորդ եզրափակիչ, որտեղ կմրցի սերբ Նինա Ռադովանովիչի հետ։
Արթուր Բազեյանը (60 կգ), Դավիթ Չալոյանը (+90) և Էլիդա Քոչարյանը (65 կգ) պարտվել են ու դուրս մնացել պայքարից։
Հայաստանի ներկայացուցիչներից պայքարը շարունակում են նաև Ռուդոլֆ Գարբոյանը (50 կգ), Արթուր Սահակյանը (65 կգ), Հարություն Հակոբկոխյանը (70 կգ) և Մարատ Միքայելյանը (75 կգ):
Ստրանջայի մրցաշարը կավարտվի մարտի 1-ին։ Մասնակցում է 35 երկրի ավելի քան 350 բռնցքամարտիկ։
