Մենք և մեր մամուլը շատ անելիքներ ունենք թերությունները շտկելու համար, որոնք չափից շատ են. Ռուբինյան․ ՏԵՍԱՆՅՈՒԹ

Լուրեր

22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
Բոլորը

«Բարձր ենք գնահատում Եվրոպայի խորհրդի դերը և սկզբունքային գործունեության արդյունավետ շարունակականությունը՝ որպես ժողովրդավարական անվտանգության հիմնասյուն, մարդու իրավունքների և օրենքի գերակայության երաշխավոր, իրական բազմակողմանիության և արդյունավետ երկխոսության համար հարթակ», – այս մասին «Խոսքի և մամուլի ազատության և տեղեկատվության հասանելիության խթանումը Հայաստանում» ծրագրի մեկնարկի ժամանակ հայտարարեց ԱԺ փոխնախագահ Ռուբեն Ռուբինյանը։

«Մեր համատեղ ջանքերի շնորհիվ զգալի արդյունքներ են գրանցվել Հայաստանի անդամակցությամբ ստանձնած պարտավորությունների կատարման գործընթացում, և դրանք այլևս անշրջելի են։ Կարևորում ենք, որ արդեն իսկ գոյություն ունեցող և արդյունավետ ընթացող համագործակցության ոլորտներն ընդլայնվում են՝ արձագանքելով ներկա խնդիրներին և մարտահրավերներին։

Այսօր մեր քննարկման առարկան է խոսքի ազատության, լրատվամիջոցների և տեղեկատվության հասանելիության խթանումը Հայաստանում։ Հայաստան-Եվրոպայի խորհուրդ ներկա գործողությունների ծրագրի (2023-2026 թվականների համար) առանցքային մասն են կազմում նաև խոսքի ազատության, լրատվամիջոցների բազմակարծության, լրագրողների անվտանգության ամրապնդումը, տեղեկատվության հասանելիության խթանումը եվրոպական չափանիշներին համապատասխան»,- նշեց նա։

Ռուբինյանի խոսքով՝ 2018 թվականից ի վեր Հայաստանն իրականացրել է լայնածավալ բարեփոխումներ այս ոլորտում։ Հայաստանի ձեռքբերումներն արտացոլված են հեղինակավոր կազմակերպությունների՝ Freedom House-ի, «Լրագրողներ առանց սահմանների»-ի (Reporters Without Borders), Transparency International-ի և այլ կառույցների զեկույցներում։

«Այնուամենայնիվ, պետք է ասեմ, որ չնայած դրական գնահատականներին, մենք դեռ անելիքներ ունենք առկա թերությունները շտկելու համար, և ես կարծում եմ նաև՝ մեր մամուլը շատ անելիք ունի իր թերությունները շտկելու համար, որոնք շատ-շատ են, չափից շատ են և որակը շտկելու համար։

Անշուշտ, այսօրվա արագ փոփոխվող աշխարհում, երբ ականատես ենք միջազգային անվտանգային ճարտարապետության վերաբաշխման մարտահրավերներին, միջազգային իրավունքի խաթարման և բազմակողմ համակարգի քայքայմանն ուղղված քայլերին, ժողովրդավարությունների դեմ հիբրիդային հարձակումները դառնում են ավելի կոմպլեքսային, բարդ և բազմաշերտ գործիքակազմով։ Հիբրիդային միջամտությունները մեր ժամանակաշրջանի քաղաքական պայքարի ամենավտանգավոր և անտեսանելի ձևերից են, դրանց հիմքում տեղեկատվության՝ որպես միջամտության զենք օգտագործումն է, հանրային ընկալումների ձևավորումը, հոգեբանական ճնշումը, արտաքին միջամտությունները ներքին ժողովրդավարական գործընթացներում օգտագործելու միտումներն են։ Տեղեկատվական դաշտի հուսալիությունը, թափանցիկությունը և հասանելիությունն այն կարևոր գործոններն են, որոնք դիմակայում են այս մարտահրավերներին՝ խուսափելու կեղծ և վտանգավոր օրակարգերից, հասարակության պառակտումներից և միաժամանակ ունենալու համար ամուր ու առողջ քաղաքական դաշտ՝ ուշադրության կենտրոնում պահելով ազգային կարևորության խնդիրների քննարկումը»,- ընդգծեց Ռուբինյանը։

Մանրամասները՝ տեսանյութում։