02.07.2026 | 11:43
Նիկոլ Փաշինյանի և Ուրսուլա ֆոն դեր Լայենի համատեղ ասուլիսը՝ ՈՒՂԻՂ
Մոսկվայի դատարանը Google-ին ու Telegram-ին տուգանել է
Քաղաքականություն
25.02.2026 | 22:14
Մոսկվայի Տագանսկի դատարանը Google-ին մեղավոր է ճանաչել Google Play-ի միջոցով VPN ծառայությունների տարածման հետ կապված վեց հանցագործությունների մեջ, գրում է Ինտերֆաքսը։
«Google LLC-ն տուգանվել է ընդհանուր առմամբ 22,800,000 ռուբլու չափով», – հայտարարել է դատարանը։
Telegram մեսենջերը ևս տուգանվել է 7 միլիոն ռուբլու չափով արգելված բովանդակություն տարածելու համար։
Նշվում է, թե մեսենջերի դեմ բողոքները կապված են Ռուսաստանի Դաշնությունում արգելված տեղեկատվությունը հեռացնելուց հրաժարվելու հետ, այդ թվում՝ ԼԳԲՏ քարոզչությանը (ճանաչված որպես ծայրահեղական կազմակերպություն և արգելված Ռուսաստանում) և ալկոհոլի հեռակա վաճառքին։
Վերջին տարիներին խոշոր ինտերնետային ծառայությունները՝ Google-ը, Telegram-ը, Facebook ը, Twitter-ը, TikTok-ը, Wikimedia Foundation-ը և Twitch-ը, բազմիցս պատասխանատվության են ենթարկվել Ռուսաստանում արգելված բովանդակությունը չհեռացնելու համար։
ՌԴ դատարանները բազմամիլիոնանոց տուգանքներ են նշանակել ընկերությունների նկատմամբ, որոնցից մի քանիսն արդեն գանձվել են։
Թարգմանությունը`Էմմա Չոբանյանի
