28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
Սպերցյանը պատմել է՝ ինչպես է Պատրիկ Կլյույվերտը փորձել նպաստել իր տեղափոխությանը «Բարսելոնա»
25.02.2026 | 18:18
Հայաստանի ազգային հավաքականի ավագ, Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանը պատմել է, որ «Բարսելոնայի» նախկին հարձակվող Պատրիկ Կլյույվերտը փորձել է նպաստել իր տեղափոխությանը կատալոնական ակումբ։
«Կա մի հետաքրքիր պատմություն։ Ես ու Պատրիկ Կլյույվերտը խոսում էինք տեսազանգով, և նա հետաքրքրվեց, թե ինչ կարգավիճակում եմ։ Նա հարցրեց՝ կարո՞ղ եմ խաղալ հարձակման ձախ եզրում։ Ես ասացի՝ այո։ Նա ասաց, որ կզանգի «Բարսելոնայի» մարզական տնօրեն Դեկուին և կճշտի իրավիճակը, քանի որ նրանք չէին կարողանում ձեռք բերել Նիկո Ուիլյամսին և շտապ ձախ եզրային էր հարկավոր։
Ինձ համար չկա տարբերություն, թե որ դիրքում կխաղամ։ Կլյույվերտը խոստացավ վերադառնալ այդ խոսակցությանը, սակայն հետո որոշակի խնդիրներ առաջացան։ Կարծում եմ՝ եթե «Բարսելոնան» առաջարկեր 6-8 միլիոն եվրո, Սերգեյ Գալիցկին բաց կթողներ ինձ»,- ասել է Սպերցյանը Ռուսաստանի հավաքականի նախկին հարձակվող Ֆյոդոր Սմոլովի հետ հարցազրույցում։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում 25-ամյա կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
