09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Կիմ Չեն Ընը իր 13-ամյա դստերը նշանակել է Հյուսիսային Կորեայի միջուկային ուժերի կուրատոր
Քաղաքականություն
25.02.2026 | 17:03
Հյուսիսային Կորեայի առաջնորդ Կիմ Չեն Ընը իր 13-ամյա դստերը՝ Կիմ Չժու Էին, հանձնարարել է երկրի միջուկային ուժերը վերահսկել, հաղորդում է The Chosun Daily-ն՝ հղում անելով հարավկորեական հետախուզությանը։
Հետախուզության տվյալներով՝ Կիմ Չժու Էն զբաղեցնում է «ԿԺԴՀ հրթիռային ծրագրի գլխավոր տնօրենի» պաշտոնը։ Այս պաշտոնում նա մասնակցել է փետրվարին կայացած Կորեայի աշխատավորական կուսակցության համագումարին։ Հյուսիսային Կորեայի առաջնորդի 13-ամյա դուստրը, ըստ տեղեկությունների, գեներալներից զեկույցներ է ստանում և հրահանգներ է տալիս նրանց, գրում է Meduza-ն։
The Chosun Daily-ն հավելում է, որ Կիմ Չժու Էն պարբերաբար հանրության մեջ է հայտնվում հոր հետ, նաև այցելելով միջուկային փորձարկման վայրեր: Հարավային Կորեայի հատուկ ծառայությունների աղբյուրները ենթադրում են, որ նրան պատրաստում են որպես Կիմ Չեն Ընի իրավահաջորդ: Մասնավորապես, հետախուզությունն արդեն գրանցել է դեպքեր, երբ Հյուսիսային Կորեայի առաջնորդի դուստրը արտահայտել է իր կարծիքը որոշակի քաղաքական հարցերի վերաբերյալ:
Հյուսիսային Կորեայի իշխանությունները շատ քիչ տեղեկություններ են հրապարակում Կիմ Չեն Ընի ընտանիքի մասին։ Ենթադրվում է, որ նա նաև ունի երկու որդի։
Թարգմանությունը՝ Էմմա Չոբանյանի
