Անգլիայի երիտասարդական գավաթի խաղարկության 1/8 եզրափակիչում «Սանդերլենդի» Մ18 թիմը սեփական խաղադաշտում 4։1 հաշվով հաղթել է «Բրայթոնին» ու դուրս եկել հաջորդ փուլ, որտեղ կմրցի «Մանչեսթեր Յունայթեդի» հետ:
Դաշտի տերերի կազմում դուբլի հեղինակ է դարձել Հայաստանի երիտասարդական հավաքականի նորեկ Ֆինն Գերագուսյանը։ Առաջին խաղակեսում 18-ամյա հարձակվողը հաշիվը դարձրել է 3։0, իսկ խաղի վերջնամասում ձևակերպել է վերջնական հաշիվը։
Գերագուսյանը գոլի հեղինակ է դարձել չորրորդ խաղում անընդմեջ։ Ընթացիկ մրցաշրջանում հարձակվողը «Սանդերլենդի» տարբեր տարիքային թիմերում խփել է 12 գոլ։
