27.10.2026 | 14:51
Եվրոպայի խոշորագույն պաշտպանական բյուջեներով երկրները ՌԴ-ն եվրատլանտյան անվտանգության գլխավոր սպառնալիք են համարում
Փաշինյանը երկօրյա պաշտոնական այցով մեկնել է Լեհաստան
Քաղաքականություն
25.02.2026 | 11:36
Վարչապետ Նիկոլ Փաշինյանը երկօրյա պաշտոնական այցով մեկնել է Լեհաստանի Հանրապետություն․ հայտնում է վարչապետի խոսնակ Նազելի Բաղդասարյանը։
Այցի շրջանակում վարչապետ Փաշինյանը հանդիպում կունենա Լեհաստանի վարչապետ Դոնալդ Տուսկի հետ, որից հետո Հայաստանի և Լեհաստանի վարչապետները ԶԼՄ ներկայացուցիչների համար հանդես կգան հայտարարություններով:
Պաշտոնական այցի շրջանակում վարչապետը հանդիպումներ կունենա նաև նախագահ Կարոլ Նավրոցկիի և Սենատի նախագահ Մալգոժատա Կիդավա Բլոնսկայի հետ:
Նիկոլ Փաշինյանը կայցելի նաև միջազգային հարաբերությունների լեհական ինստիտուտ, որտեղ հանդիպում կունենա լեհական վերլուծական կենտրոնների ներկայացուցիչների հետ»,- ասված է հաղորդագրությունում։
Factor.am-ը ավելի վաղ հայտնել էր, որ Լեհաստանի միջազգային հարաբերությունների ինստիտուտում (PISM) ՀՀ վարչապետ Նիկոլ Փաշինյանը «Հայաստանը և նոր խաղաղության ճարտարապետությունը Հարավային Կովկասում» թեմայով դասախոսություն կկարդա։
