30.09.2026 | 16:32
Կրեմլը հաստատել է՝ Թուրքիայի C-400-ները ՌԴ-ի բարեկամ երկրին փոխանցելու հարցով քննարկումներ են ընթանում
«Ինտերը» դուրս է մնացել Չեմպիոնների լիգայից․ ՏԵՍԱՆՅՈՒԹ
25.02.2026 | 10:55
Չեմպիոնների լիգայի անցումային փլեյ-օֆֆի պատասխան խաղում իտալական «Ինտերը» Միլանի «Սան Սիրո» ստադիոնում 1։2 հաշվով պարտվել է նորվեգական «Բուդյո-Գլիմտին» ու դուրս մնացել հետագա պայքարից (տեսանյութ)։
Հանդիպման բոլոր գոլերը գանցվել են երկրորդ խաղակեսում։ Հյուրերից աչքի են ընկել նորվեգացի հարձակվող Իենս Պետեր Հոյգեն ու կիսապաշտպան Հոկոն Էվիեն, իսկ «Ինտերի» կազմում հաշիվը կրճատել է իտալացի պաշտպան Ալեսանդրո Բաստոնին։
Հայաստանի հավաքականի նախկին ավագ, 37-ամյա կիսապաշտպան Հենրիխ Մխիթարյանն «Ինտերի» պահեստայինների թվում է եղել, սակայն խաղաժամանակ չի ստացել։
Առաջին խաղում «Բուդյո-Գլիմտն» Իտալիայի առաջնության առաջատարին հաղթել էր 3։1 հաշվով։
1/8 եզրափակիչ դուրս եկած «Բուդյո-Գլիմտը» չորրորդ անընդմեջ հաղթանակն է տարել Չեմպիոնների լիգայում։ «Ինտերի» հետ դիմակայությունից առաջ նորվեգական ակումբը հաղթել էր նաև Մադրիդի «Աթլետիկոյին» (2։1) ու անգլիական «Մանչեսթեր Սիթիին» (3։1)։
Չեմպիոնների լիգայի 1/8 եզրափակիչի ուղեգիր են նվաճել նաև Մադրիդի «Աթլետիկոն», Լևերկուզենի «Բայերը» և անգլիական «Նյուքասլը»։
