30.09.2026 | 16:32
Կրեմլը հաստատել է՝ Թուրքիայի C-400-ները ՌԴ-ի բարեկամ երկրին փոխանցելու հարցով քննարկումներ են ընթանում
«ԱԶ Ալկմար» – «Նոա» հանդիպման հյուրերի սեկտորի տոմսերը սպառվել են
24.02.2026 | 11:37
Ֆուտբոլի Հայաստանի չեմպիոն «Նոայի» ու նիդերլանդական «ԱԶ Ալկմարի» միջև Կոնֆերենցիաների լիգայի անցումային փլեյ-օֆֆի պատասխան հանդիպման հյուրերի սեկտորի բոլոր տոմսերը սպառվել են, հաղորդում է հայկական ակումբի մամուլի ծառայությունը։
«Շատ շնորհակալ ենք մեր թիմի կողքին լինելու և հայրենիքի սահմաններից դուրս աջակցելու համար։ Ձեր աջակցությունը չափազանց կարևոր է մեր թիմի համար»,- նշված է «Նոայի» հաղորդագրության մեջ։
«ԱԶ Ալկմարի» ու «Նոայի» պատասխան հանդիպումը կկայանա փետրվարի 26-ին Նիդերլանդներում ու կմեկնարկի Երևանի ժամանակով կեսգիշերին։ Առաջին խաղում երևանյան ակումբը հաղթել է նվազագույն հաշվով։ Դիմակայության հաղթողը 1/8 եզրափակիչում մրցելու է կամ Աթենքի ԱԵԿ-ի (Հունաստան), կամ Պրահայի «Սպարտայի» (Չեխիա) հետ։
