«ԱԶ Ալկմարը» Հայաստանի չեմպիոն «Նոայի» դեմ Կոնֆերենցիաների լիգայի անցումային փլեյ-օֆֆի պատասխան խաղից առաջ հաղթանակ է տարել ներքին առաջնությունում։
Նիդերլանդների Էրեդիվիզիի 24-րդ տուրում «ԱԶ Ալկմարը» տանը մրցել է Ռոտերդամի «Սպարտայի» հետ ու հաղթել 3։1 հաշվով։ Հանդիպման բոլոր գոլերը գրանցվել են երկրորդ խաղակեսում։
Նիդերլանդների առաջնության 24-րդ տուրից հետո «ԱԶ Ալկմարը» 39 միավորով 5-րդն է։
«ԱԶ Ալկմարը» հաջորդ հանդիպումն անցկացնելու է փետրվարի 26-ին՝ սեփական խաղադաշտում մրցելով «Նոայի» դեմ։ Առաջին խաղում երևանյան ակումբը հաղթել է նվազագույն հաշվով։
