25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Լեհաստանում լրտեսության կասկածանքով Բելառուսի քաղաքացի է ձերբակալվել
Քաղաքականություն
23.02.2026 | 22:21
Լեհաստանի ազգային դատախազությունը հայտնում է, որ Բելառուսի ռազմական հետախուզության համար լրտեսություն կատարելու կասկածանքով ձերբակալվել է Բելառուսի քաղաքացի Տ. Պավլովը, գրում է Current time-ը։
Նա ձերբակալվել է 2026 թվականի փետրվարի 9-ին Ներքին անվտանգության գործակալության աշխատակիցների կողմից, հաջորդ օրը դատախազը մեղադրանք է առաջադրել։
Հետաքննության տվյալներով՝ 2024 թվականի հունիսից մինչև 2026 թվականի փետրվարը կասկածյալը տեղեկություններ է հավաքել Լեհաստանի, Գերմանիայի և Լիտվայի կարևորագույն ենթակառուցվածքային օբյեկտների, ինչպես նաև՝ Լեհաստանի և ՆԱՏՕ-ի երկրների պաշտպանության համար կարևոր նշանակություն ունեցող օբյեկտների մասին։
Փետրվարի 11-ին, դատախազության պահանջով, դատարանը նրան երեք ամսով կալանավորել է։ Հետաքննությունը շարունակվում է։ Նրա ձերբակալությունը, ըստ որոշ տեղեկությունների, Գերմանիայի և Լիտվայի հետախուզական ծառայությունների հետ համագործակցության արդյունք է։
Լեհաստանի հատուկ ծառայությունների համակարգող նախարարի մամուլի քարտուղար Յացեկ Դոբրժինսկին ասել էր, որ 2022 թվականի փետրվարից ի վեր քննչական մարմինները Ռուսաստանի և Բելառուսի շահերից ելնելով լրտեսության 71 քրեական գործ են հարուցել։ 2026 թվականի փետրվարի սկզբին Լեհաստանի պաշտպանության նախարարության 60-ամյա աշխատակիցը ձերբակալվել էր բելառուսական հետախուզության համար աշխատելու կասկածանքով։
Թարգմանությունը՝ Էմմա Չոբանյանի
