Իրանում ուսանողները խոշոր բողոքի ցույցեր են անցկացրել. ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Իրանի մի քանի համալսարանների ուսանողներ հակակառավարական բողոքի ցույցեր են անցկացրել՝ հունվարին իշխանությունների կողմից  մասշտաբային ցույցերը դաժանաբար ճնշելուց հետո առաջին անգամ։

BBC-ն  հրապարակել է շաբաթ օրը մայրաքաղաք Թեհրանում գտնվող Շարիֆի տեխնոլոգիական համալսարանի տարածքում ցուցարարների երթի կադրերը։ Ավելի ուշ նրանց տեսել են կառավարության կողմնակիցների հետ բախվելիս։

Բողոքի ցույցեր են տեղի ունեցել նաև Թեհրանի այլ համալսարաններում, որտեղ ուսանողները հավաքվել են՝ հարգանքի տուրք մատուցելու անցյալ ամիս իշխանությունների կողմից սպանված հազարավոր մարդկանց հիշատակին։

Սա տեղի է ունենում ԱՄՆ-ի կողմից Իրանի շուրջ ռազմական ներկայությունն ավելացնելու ֆոնին։

ԱՄՆ-ի և Իրանի պաշտոնյաները երեքշաբթի օրը հանդիպել էին  Շվեյցարիայում և հայտարարել, որ առաջընթաց է գրանցվել Իրանի միջուկային ծրագիրը զսպելուն ուղղված բանակցություններում։

Չնայած արձանագրված առաջընթացին, Թրամփը հետագայում ասել էր, որ աշխարհը «հաջորդ, հավանաբար, 10 օրվա ընթացքում» կիմանա՝ արդյոք Իրանի հետ համաձայնագիր կկնքվի, թե ԱՄՆ-ն կձեռնարկի ռազմական գործողություններ։

BBC-ի կողմից ստուգված կադրերում երևում են հարյուրավոր ցուցարարներ, որոնք շաբաթ օրը խաղաղ երթով շարժվում են Շարիֆի տեխնոլոգիական համալսարանի տարածքից։ Ցուցարարները վանկարկել են «Մահ բռնապետին»։

Մաշհադում, որը Իրանի հյուսիս-արևելքում գտնվող երկրորդ խոշորագույն քաղաքն է, տեղի ուսանողները վանկարկել են. «Ազատությո՛ւն, ազատությո՛ւն» և «Ուսանողնե՛ր, գոռացե՛ք ձեր իրավունքների համար»։

Հստակ չէ, թե արդյոք որևէ ցուցարար ձերբակալվել է, թե ոչ։ Կան հաղորդագրություններ, որ կիրակի օրը շարունակվել են  բողոքի ցույցերը։

Հունվարյան բողոքի ցույցերը սկսվել էին տնտեսական դժգոհությունների պատճառով և շուտով տարածվել՝ դառնալով ամենամասշտաբայինը 1979 թվականի Իսլամական հեղափոխությունից ի վեր։

ԱՄՆ-ում գործող Human Rights Activists News Agency-ն (Hrana) հայտարարել է, որ հաստատել է բողոքի այդ ալիքի ընթացքում առնվազն 7015 մարդու սպանությունը, այդ թվում՝ 6508 ցուցարարների, 226 երեխաների և կառավարության հետ կապված 214 անձանց: Վերջին տվյալները թարմացվել են փետրվարի 15-ին։

Hrana-ն նաև հայտարարել է, որ հետաքննում է ևս 11,744 մահվան դեպք։ Իրանական իշխանություններն անցյալ ամսվա վերջին հայտարարել են, որ սպանվել է ավելի քան 3100 մարդ, սակայն նրանց մեծամասնությունը անվտանգության աշխատակիցներ կամ «անկարգությունների» մասնակիցների կողմից հարձակման ենթարկված անցորդներ են։

Միաժամանակ, Իրանի իշխանությունները շարունակում են պատրաստվել ԱՄՆ-ի հետ հնարավոր հակամարտությանը։

Արտաքսված ընդդիմությունը համառորեն կոչ է անում նախագահ Թրամփին իրականացնել իր զգուշացումները և հարված հասցնել՝ հույս ունենալով, որ դա կբերի արագ իշխանափոխության, սակայն մյուս ընդդիմադիր խմբերը դեմ են արտաքին միջամտությանը։

Թարգմանությունը՝ Էմմա Չոբանյանի