Բուքինգհեմյան պալատը ոստիկանությանը կտրամադրի նախկին արքայազն Էնդրյուի բոլոր արխիվների հասանելիությունը․ The Wall Street Journal

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Մեծ Բրիտանիայի թագավոր Կառլ III-ը թույլ է տվել Բուքինգհեմյան պալատի աշխատակիցներին բացել արխիվներն ու փաստաթղթերը ոստիկանության համար, որը հետաքննում է Էնդրյու Մաունթբեթեն-Վինձորի՝ նախկին արքայազնի գործը, գրում է The Observer-ը։

Քննիչներին հասանելիություն կտրամադրվի փաստաթղթերին և նամակագրությանը, ինչպես նաև կառավարական նյութերին, որոնք վերաբերում են Էնդրյուի գործունեությանը Մեծ Բրիտանիայի առևտրի ներկայացուցչի պաշտոնում, հայտնել է պարբերականի աղբյուրը։

Էնդրյուի դեմ մեղադրանքները կապված են այն հանգամանքի հետ, որ 2010 թվականին, զբաղեցնելով միջազգային առևտրի և ներդրումների հարցերով հատուկ ներկայացուցչի պաշտոնը, նա ամերիկացի ֆինանսիստ Ջեֆրի Էփշտեյնին փոխանցել է կառավարության գաղտնի զեկույցներ, գրում է The Wall Street Journal-ը։ Մասնավորապես, Էնդրյուն Էփշտեյնին ուղարկել է իր այցերի վերաբերյալ հաշվետվություններ Վիետնամ, Սինգապուր, Հոնկոնգ և Շենժեն, իսկ ֆինանսիստը խորհուրդներ է տվել, թե ում հետ պետք է հանդիպի արքայազնը Չինաստան կատարելիք ուղևորության ընթացքում։ WSJ-ն այս տեղեկությունները ներկայացնում է՝ հղում անելով ԱՄՆ կառավարության հրապարակած փաստաթղթերին։

Բացի այդ, Էնդրյուն Էփշտեյնին փոխանցել է Մեծ Բրիտանիայի գլխավորած բազմակողմ խմբի կողմից կազմված գաղտնի ամփոփագիր Աֆղանստանի վերաբերյալ, ինչպես նաև իր նամակագրությունը ԱՄԷ-ի ներդրումային բանկիր Թերենս Ալենի հետ, որտեղ նա մանրամասներ էր հայտնում Royal Bank of Scotland-ի վերակազմավորման մասին։

Հենց սա, այլ ոչ թե Էփշտեյնի հետ ընկերությանը վերագրվող սեռական հանցագործությունների մեղադրանքներն են դարձել նախկին արքայազն Էնդրյուի ձերբակալության պատճառը, գրում է WSJ-ն։ Հարցաքննությունից հետո Էնդրյուին ազատ են արձակել, իսկ ոստիկանությունը շարունակում է քննությունը։ Այդ թվում, ինչպես նշում է The Observer-ը, կշարունակվեն խուզարկությունները Բերքշիր կոմսությունում գտնվող նրա նստավայրում՝ Վինձորի մերձակայքում, որտեղ Էնդրյուն ապրել է մինչև փետրվարի սկիզբը։

Էնդրյու Մաունթբեթեն-Վինձորը՝ նախկին արքայազնը և թագավոր Կառլ III-ի կրտսեր եղբայրը, ձերբակալվել է փետրվարի 19-ին (իր 66-ամյակի օրը)՝ պաշտոնեական լիազորությունները չարաշահելու կասկածանքով։ Ձերբակալության պաշտոնական պատճառը սկզբում անհայտ էր, և շրջանառվում էին վարկածներ, որ այն կարող է կապված լինել Էնդրյուի և Էփշտեյնի ընկերության, ինչպես նաև սեռական հանցագործությունների կասկածների հետ։

Էփշտեյնի ֆայլերից, որոնք վերջին ամիսներին հրապարակել է ԱՄՆ արդարադատության նախարարությունը, հետևում է, որ Էնդրյուն պարբերաբար նամակագրություն է վարել ֆինանսիստի հետ և քննարկել հնարավոր գործարար գործարքներ, հասարակական հանդիպումներ, ինչպես նաև կանանց, որոնց Էփշտեյնը առաջարկել է ծանոթացնել արքայազնին։ Նրանց մի մասն Էնդրյուն ընդունել է Բուքինգհեմյան պալատում։

2025 թվականի հոկտեմբերին Բուքինգհեմյան պալատը զրկել է արքայազն Էնդրյուին բոլոր տիտղոսներից և հայտարարել, որ նա պետք է լքի Վինձորում գտնվող Royal Lodge առանձնատունը։ Փետրվարին Մեծ Բրիտանիայի վարչապետ Քիր Սթարմերը կոչ էր արել Էնդրյուին ցուցմունք տալ ԱՄՆ Կոնգրեսին Ջեֆրի Էփշտեյնի գործով։