09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Լվովում ահաբեկչություն է տեղի ունեցել․ առևտրի կենտրոնի մոտ ինքնաշեն սարք է պայթել, ոստիկան է զոհվել
Քաղաքականություն
22.02.2026 | 11:08
Փետրվարի 22-ի գիշերը Լվով քաղաքում պայթյուններ են լսվել «Մագնուս» առևտրի կենտրոնի մոտ։ Ընդ որում, քաղաքում օդային տագնապ չի հայտարարվել, նշում է Hromadske-ն։
«Լվով։ Սա ահաբեկչություն էր»,-գրել է քաղաքապետ Անդրեյ Սադովոյը։
Ուկրաինայի Ազգային ոստիկանության տվյալներով՝ մոտավորապես ժամը 00:30-ին ոստիկանները հաղորդում են ստացել Դանիշիլինայի փողոցում գտնվող առևտրի կենտրոն ներթափանցելու մասին։ Երբ պարեկային ոստիկանության հերթապահ խումբը ժամանել է դեպքի վայր, տեղի է ունեցել պայթյուն։ Շուտով ժամանել է ևս մեկ խումբ, և հնչել է երկրորդ պայթյունը։ Նախնական տեղեկություններով՝ պայթել են ինքնաշեն պայթուցիկ սարքեր։
Պայթյունների հետևանքով զոհվել է ոստիկանության 23-ամյա աշխատակից, հայտնել է Սադովոյը։ Նրա խոսքով՝ առնվազն 15 մարդ տուժել է և տեղափոխվել հիվանդանոց, որոնց մի մասը գտնվում է ծանր վիճակում։ Ոստիկանության վերջին տվյալներով՝ վիրավորների թիվը հասել է 24-ի։
