18.08.2026 | 12:48
Արաղչին և Ֆիդանը հեռախոսազրույցում տարածաշրջանային հարցեր են քննարկել
Իսրայելը հարվածներ է հասցրել Լիբանանին․ զոհվել է 10 մարդ, այդ թվում՝ «Հեզբոլլա» շարժման 8 անդամ
Քաղաքականություն
21.02.2026 | 19:40
Իսրայելը փետրվարի 20-ի ուշ երեկոյան ավիահարվածներ է հասցրել Լիբանանի արևելքին։ Արդյունքում զոհվել է առնվազն 10 մարդ, որոնց թվում՝ ահաբեկչական «Հեզբոլլա» շարժման 8 անդամ։ Այդ մասին հայտնում է Associated Press-ը՝ հղում անելով շարժման ներկայացուցիչներին։
Լիբանանի առողջապահության նախարարությունը հայտնել է 10 զոհի մասին, սակայն չի հստակեցրել՝ նրանցից քանիսն են եղել զինյալներ, իսկ քանիսը՝ խաղաղ բնակիչներ։ Զոհված «Հեզբոլլա»-ի անդամները գտնվել են Ռայակ գյուղի մերձակայքում՝ Լիբանանի հյուսիս-արևելքում։ Իսրայելի ներկայացուցիչների պնդմամբ՝ զոհվածները պատկանել են «Հեզբոլլա»-ի հրթիռային ստորաբաժանմանը։ Հարձակման հետևանքով վիրավորվել է 24 մարդ, այդ թվում՝ երեք երեխա։
Ինչպես հաղորդում է Reuters-ը՝ հղում անելով Իսրայելի իշխանություններին, հարվածներ են հասցվել նաև «Հեզբոլլա»-ի օբյեկտներին Բաալբեկի օդանավակայանի շրջանում, ինչպես նաև պաղեստինյան ահաբեկչական «ՀԱՄԱՍ» շարժման հրամանատարական կենտրոնին՝ Այըն ալ-Հիլյու փախստականների ճամբարի տարածքում՝ Լիբանանի հարավում։
2025 թվականի նոյեմբերին Իսրայելը հարված էր հասցրել Լիբանանի մայրաքաղաք Բեյրութին։ Այդ ժամանակ հայտարարված թիրախը եղել է իսլամիստական «Հեզբոլլա» շարժման շտաբի ղեկավար Հեյթամ Ալի Թաբաթաբային։
