02.07.2026 | 11:43
Նիկոլ Փաշինյանի և Ուրսուլա ֆոն դեր Լայենի համատեղ ասուլիսը՝ ՈՒՂԻՂ
Գալուզինը ՌԴ-ում Թուրքիայի դեսպանի հետ Հարավային Կովկասում իրավիճակն է քննարկել
Քաղաքականություն
20.02.2026 | 21:12
Ռուսաստանի ԱԳ փոխնախարար Միխայիլ Գալուզինն ընդունել է ՌԴ-ում Թուրքիայի արտակարգ և լիազոր դեսպան Թանջու Բիլգիչին՝ վերջինի նախաձեռնությամբ, հայտնում է ՌԴ ԱԳՆ-ն։
Նշվում է, որ նրանք մտքեր են փոխանակել ուկրաինական ճգնաժամի շուրջ ստեղծված իրավիճակի վերաբերյալ։ Թուրքական դիվանագիտական առաքելության ղեկավարին ներկայացվել են Ռուսաստանի հիմնարար մոտեցումները հակամարտության քաղաքական և դիվանագիտական լուծումներ գտնելու հարցում՝ ընդգծելով դրա սկզբնական պատճառները վերացնելու անհրաժեշտությունը։
Քննարկվել է նաև Հարավային Կովկասում ստեղծված իրավիճակը։ Վերահաստատել է տարածաշրջանում խաղաղության և կայունության շահերից ելնելով հետագա համակարգման համատեղ հանձնառությունը։
Թարգմանությունը՝ Էմմա Չոբանյանի
