Վաշինգտոնը քննում է Ալիևի թիկնապահների կողմից ադրբեջանցիների ծեծի միջադեպը

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Վաշինգտոնի դատախազությունը հետաքննում է Waldorf Astoria հյուրանոցի դիմաց Ադրբեջանի նախագահ Իլհամ Ալիևի թիկնապահների կողմից ծեծի միջադեպը, հաղորդում է «Ազատություն» ռադիոկայանի Վաշինգտոնի թղթակիցը, որին հղում է անում կայանի ադրբեջանական ծառայությունը։

Փետրվարի 19-ին սոցիալական ցանցերում տարածվեց ԱՄՆ-ում բնակվող ադրբեջանցիների և Ադրբեջանի կառավարության քննադատների բողոքի ցույցի տեսանյութ։ Նրանք «Ազատություն քաղբանտարկյալներին» և «Ազատություն Թոֆիգ Յագուբլուին» կարգախոսներ էին վանկարկում Վաշինգտոնում գտնվող այն հյուրանոցի առջև, որտեղ իջևանել էր Ադրբեջանի նախագահ Իլհամ Ալիևը։

The Washington Post-ի հաղորդմամբ՝ Uber-ի 27-ամյա վարորդ Ռահիմ Յագուբլուն ասել է, որ Իլհամ Ալիևի թիկնապահները ծեծել են իրեն՝ հարվածելով ծնոտին և որովայնին: Մեկ այլ ցուցարար՝ 35-ամյա Ադիլ Ամրահլին, վիրավորվել է ոտքից՝ փորձելով փախչել թիկնապահներից: Նշվում է, որ վիրավորվել է առնվազն չորս մարդ, այդ թվում՝ Յագուբլուն։

Վաշինգտոնի ոստիկանության խոսնակ Թոմ Լինչը հայտնել է, որ Ադրբեջանի նախագահի անվտանգության աշխատակիցների մասնակցությամբ տեղի ունեցած միջադեպի ժամանակ դեպքի վայրում են եղել ԱՄՆ գաղտնի ծառայության՝ հատուկ գործողությունների ստորաբաժանման անդամները։ Նա չի ասել՝ արդյո՞ք ոստիկանությունը միջամտել է միջադեպին։ Ըստ Լինչի՝ հարցը վարում է Պետքարտուղարությունը։

«Գաղտնի ծառայության դերը պետությունների ղեկավարների համար անվտանգության ենթակառուցվածք ստեղծելն ու պաշտպանիչ գործողություններ իրականացնելն է»,- ասել է Գաղտնի ծառայության խոսնակ Էնթոնի Գուլիելմին՝ հավելելով, որ հյուրանոցը գտնվում է անվտանգության չափանիշների սահմաններում։

Յագուբլուն ասել է, որ միջադեպի ժամանակ ոստիկանությունը մոտակայքում է եղել, բայց չի միջամտել: Մի քանի րոպե անց թիկնապահները հեռացել են, իսկ ցուցարարները շտապօգնություն են կանչել: Բժիշկները զննել են վնասվածքները, բայց ոչ ոք հիվանդանոց չի տեղափոխվել:

«Սա միայն ցույց է տալիս, որ նա բռնապետ է, որ մեր երկրում խոսքի ազատություն չկա»,- Ալիևի մասին ասել է Յագուբլուն։

Նա Ադրբեջանում բանտարկված հայտնի ընդդիմադիր Թոֆիգ Յագուբլուի որդին է։

Ամրահլիի խոսքով էլ՝ ցուցարարները հյուրանոցի առջևի մուտքից վազել են դեպի մյուս մուտքը՝ Ալիևին թույլ չտալու աննկատ հեռանալ:

«Մեր նպատակն էր անցկացնել խաղաղ բողոքի ակցիա՝ պահանջելով Ադրբեջանում քաղբանտարկյալների ազատ արձակումը»,- ընդգծել է նա:

The Washington Post-ը հիշեցրել է 2017 թվականին Վաշինգտոնում Թուրքիայի դեսպանի նստավայրի մոտ Թուրքիայի նախագահ Ռեջեփ Թայիփ Էրդողանի թիկնապահների և ցուցարարների միջև տեղի ունեցած բախման մասին, որի հետևանքով 11 մարդ վիրավորվել էր, այդ թվում՝ 1 ոստիկան։

Թարգմանությունը՝ Էմմա Չոբանյանի