27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ուկրաինայի ԶՈՒ հարձակումներից հետո Բելգորոդում և հարակից շրջանում էլեկտրաէներգիայի անջատումներ են
Քաղաքականություն
19.02.2026 | 16:06
Բելգորոդում և Բելգորոդի մարզի մի քանի շրջաններում հնարավոր են էլեկտրաէներգիայի ժամանակավոր անջատումներ, հայտնել է նահանգապետ Վյաչեսլավ Գլադկովը, գրում է Meduza-ն։
Նա հավելել է՝ անջատումները տեղի են ունենում «թշնամու արձակած կրակի» պատճառով։
«Ցավոք, անհնար է պլանավորել անջատումները։ Ցանցը ծանրաբեռնված է, և էլեկտրաէներգիան վերաբաշխվում է վերանորոգման ընթացքում։ Դրանից է կախված, թե որ համայնքները ժամանակավորապես կանջատվեն էլեկտրաէներգիայից։ Սա արվում է էներգահամակարգի ամբողջականությունը պահպանելու համար՝ սարքավորումների գերծանրաբեռնվածության պատճառով։ Հետևաբար, անջատումները չեն կարող պլանավորվել»,- ասել է Գլադկովը։
Փետրվարի 19-ի առավոտյան Գլադկովը նաև հայտնել էր, որ Բելգորոդի էներգետիկ օբյեկտներում, որոնք նախորդ օրը հրթիռային հարվածի էին ենթարկվել Ուկրաինայի զինված ուժերի կողմից, շարունակվում են վերականգնողական աշխատանքները։ Որոշ բնակելի շենքեր դեռևս չեն ջեռուցվում։
Փետրվարի 18-ի երեկոյան Բելգորոդի քաղաքապետ Վալենտին Դեմիդովը հայտնել էր, որ քաղաքի էներգետիկ ենթակառուցվածքների օբյեկտները վնասվել են Ուկրաինայի զինված ուժերի կողմից հասցված հարվածի հետևանքով։ Գլադկովը նշել էր, որ դա էներգետիկ օբյեկտների վրա զանգվածային հրթիռային հարձակում էր։
Թարգմանությունը՝ Էմմա Չոբանյանի
