18.08.2026 | 10:52
Ռոդրի. ««Բարսելոնայում» խաղալը երազանքն է». ՏԵՍԱՆՅՈՒԹ
Ռոբոտներով քունգ ֆու-շոու․ ինչպես են նշել չինական նոր տարին. ՏԵՍԱՆՅՈՒԹ
Հաղորդաշարեր
19.02.2026 | 22:49
Չինաստանի ամենաշատ դիտվող հեռուստաշոուն՝ ամենամյա գարնանային փառատոնի CCTV գալա-շոուն, ներկայացրել է երկրի արդյունաբերական նվաճումները և Պեկինի ձգտումը՝ գերիշխելու մարդանման ռոբոտների արտադրության ոլորտում, գրում է Reuters-ը։
Մարդանման ռոբոտներ արտադրող չորս ստարտափներ՝ Unitree Robotics-ը, Galbot-ը, Noetix-ը և MagicLab-ը, ներկայացրել են իրենց արտադրանքը գալա-շոուում։ Ծրագրի առաջին երեք մասերում տասնյակից ավելի Unitree մարդակերպ ռոբոտները սրերով, ձողերով, նունչակիներով կատարել են քունգ ֆու մարտարվեստի բարդ հնարքներ։
Տեսարաններից մեկում դրանք ընդօրինակում են չինական «հարբած բռնցքամարտ» մարտարվեստի ոճի շարժումներն ու հետընթաց անկումները՝ ցույց տալով ռոբոտների համակարգման և խափանումների վերականգնման ուղղությամբ նորարարությունները։
Ծրագրի բացման հատվածում աչքի են ընկել Bytedance-ի արհեստական բանականության չաթբոտը՝ Դուբաոն, Noetix-ի չորս մարդակերպ ռոբոտները դերասանների կողքին հայտնվել են կատակերգական սկետչում, իսկ MagicLab ռոբոտները «Մենք արտադրված ենք Չինաստանում» երգի ժամանակ համաժամանակյա պար են կատարել։
Stieler տեխնոլոգիական խորհրդատվական ընկերության Ասիայի գծով կառավարիչ տնօրեն և ռոբոտաշինության և ավտոմատացման ղեկավար Գեորգ Ստիլերի խոսքով՝ CCTV-ն, որի գալա-շոուն անցյալ տարի չինական հեռուստաեթերում 79% վարկանիշ էր հավաքել, տասնամյակներ շարունակ օգտագործվում է Պեկինի տեխնոլոգիական հավակնությունների, այդ թվում՝ տիեզերական ծրագրի, անօդաչու թռչող սարքերի և ռոբոտաշինության քարոզչության համար։
Թարգմանությունը՝ Էմմա Չոբանյանի
