Քաղաքականություն
19.02.2026 | 12:23
Ուկրաինական անօդաչու թռչող սարքերը հարձակվել են Պսկովի մարզի Վելիկիե Լուկիում գտնվող նավթաբազայի վրա, այրվում է նավթամթերքով պահուստարաններից մեկը։ Այս մասին հայտնում է Պսկովի մարզի նահանգապետ Միխայիլ Վեդյորնիկովը, գրում է Current time-ը:
Նրա խոսքով՝ քաղաքացիական անձանց կամ օբյեկտի անձնակազմի շրջանում տուժածներ չկան։
Պսկովի օդանավակայանում մի քանի ժամով օդանավերի մեկնման և ժամանման սահմանափակումներ են սահմանվել, առավոտյան արդեն թռիչքների սպասարկումը վերսկսվել է։
«Վելիկոլուկսկայա նավթաբազան» պատկանում է «Պսկովնեֆտեպրոդուկտ» ընկերությանը: Astra-ի տվյալներով՝ այնտեղ պահվում է նավթամթերք՝ հետագա բեռնափոխադրման և բենզալցակայանների, ձեռնարկությունների ու տրանսպորտային ընկերությունների ցանցին բաշխման համար։
2024 թվականի ապրիլի 21-ի գիշերն անօդաչու սարքերն արդեն հարձակվել էին այս նավթաբազայի վրա։
Թարգմանությունը՝ Էմմա Չոբանյանի
