20.05.2026 | 19:49
ՄԻՊ-ն ընդունել է ԵԱՀԿ/ԺՀՄԻԳ դիտորդական առաքելության պատվիրակությանը
Մոսկվայում ի պաշտպանություն Telegram-ի հանրահավաք անցկացնելու դիմում է ներկայացվել
Քաղաքականություն
18.02.2026 | 22:10
ՌԴ «Յաբլոկո» կուսակցությունը Մոսկվայի քաղաքապետարան է ներկայացրել Telegram մեսենջերի, տեղեկատվության հասանելիության և խոսքի ազատության պաշտպանությանը նվիրված հանրահավաք անցկացնելու մասին ծանուցում: Այս մասին հայտնել է կուսակցության մամուլի ծառայությունը, գրում է Meduza-ն։
Դիմումը ներկայացրել են կուսակցության նախագահ Նիկոլայ Ռիբակովը, դաշնային կոմիտեի անդամ Իվան Բոլշակովը և «Յաբլոկո Մոսկվայի» նախագահ Կիրիլ Գոնչարովը։ Հանրահավաքը նախատեսված է մարտի 1-ին, սպասվում է մինչև 5000 մարդու մասնակցություն։ «Осторожно, новости»-ի կողմից հրապարակված ծանուցման համաձայն՝ հանրահավաքը պետք է անցկացվի Զարյադյե այգում։
«Քաղաքապետարանը որևէ իրավական հիմք չունի արգելքի համար: Ռուսաստանի Սահմանադրությունը մեզ հստակորեն տալիս է նման բողոքի ակցիաներ անցկացնելու իրավունք: Մենք պահանջում ենք դադարեցնել բողոքի ակցիաները խոչընդոտելու պրակտիկան և հարգել մեր իրավունքները: Եթե իշխանությունները փորձեն խախտել օրենքը և արգելել հանրահավաքը, դա կլինի քաղաքական որոշում, այլ ոչ թե իրավական»,- հայտարարել է Նիկոլայ Ռիբակովը:
Ռուսաստանի իշխանությունները 2025 թվականի ամռանից սկսած կսահմանափակում են Telegram-ի գործունեությունը, արգելափակելով տեսազանգերը։ Փետրվարի 10-ին RBC-ն, հղում անելով աղբյուրներին, հաղորդել է, որ իշխանությունները որոշել են ավելի «դանդաղեցնել» մեսենջերը Ռուսաստանում։
Մոսկվայի իշխանություններն արգելում են ընդդիմության բողոքի ցույցերը քաղաքում՝ հղում անելով այն փաստին, որ դեռևս ուժի մեջ է COVID-19 համավարակի պատճառով 2020 թվականին սահմանված զանգվածային միջոցառումների արգելքը։
Թարգմանությունը՝ Էմմա Չոբանյանի
