17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Ուրալում ադրբեջանական սփյուռքի ղեկավարին 23 տարվա ազատազրկում է սպառնում
Քաղաքականություն
17.02.2026 | 18:42
ՌԴ-ում պետական մեղադրողը միջնորդել է 23 տարվա ազատազրկման դատապարտել Ուրալում ադրբեջանական սփյուռքի նախկին ղեկավար Շահին Շիխլինսկիին, որը մեղադրվում է երկու հանցագործության մեջ: Քրեական գործով դատավարությունը մոտենում է ավարտին, Սվերդլովսկի մարզային դատարանում ավարտվում են եզրափակիչ ելույթները, գրում են ադրբեջանական լրատվամիջոցները:
Ուրալում ադրբեջանական սփյուռքի նախկին ղեկավարը ատենակալների կողմից մեղավոր է ճանաչվել գործարարների սպանության և սպանության փորձի մեջ։
Մեղադրանքի կողմը մյուս մեղադրյալների համար պահանջել է հետևյալ պատժաչափերը․ Ակիֆ Սաֆարով՝ 23 տարի, Այազ Սաֆարով՝ 22 տարի, Քամալ Սաֆարով՝ 18 տարի, Մազահիր Սաֆարով՝ 13 տարի, Բաքիր Սաֆարով՝ 13 տարի և Շուջայադդին Ռաջաբով՝ 15 տարի ժամկետով ազատազրկում։
Դատավոր Յուրի Ռադչուկը հեռացել է խորհրդակցական սենյակ։ Դատավճիռը կհրապարակվի մարտի 5-ին։
Թարգմանությունը՝ Էմմա Չոբանյանի
