12.11.2024 | 23:27
Գրետա Թունբերգը ժամանել է Հայաստան
Կիպրոսի հունական և թուրքական մասերի միջև 2 սահմանային անցակետ է բացվել
Քաղաքականություն
12.11.2018 | 22:46
Հոկտեմբերի 26-ին, այսպես կոչված, Հյուսիսային Կիպրոսի Թուրքական Հանրապետության (ԿՀԹՀ) նախագահ Մուսթաֆա Աքընջըի և Կիպրոսի նախագահ Նիկոս Անաստասիադիսի ընդունած որոշմամբ համաժամանակյա օգտագործման համար բացվել են Դերինյայի և Ափլըչի սահմանային անցակետերը. փոխանցում է ermenihaber-ը:
Ընդհանուր առմամբ կղզու հյուսիսում և հարավում բացված անցակետերի թիվը հասել է 9-ի:
Կիպրոսի թուրքական հատվածի ղեկավարի խոսնակ Բարըշ Բուրջուն անցակետերի բացման առնչությամբ հայտարարել է. «Ցանկանում եմ, որ հասնենք այնպիսի լուծման, որ այլևս կարիք չունենանք անցակետերի»:
Նշենք, որ Դերինյան համարվում է Կիպրոսի հույների և թուրքերի բախման թատերաբեմը:
Նշենք, որ 1974թ., երբ Թուրքիան զավթեց Կիպրոս կղզու հյուսիսը, սահմանափակվեց դեպի այդ մաս ելումուտը: Իսկ 2003թ. ապրիլի 23-ին Հյուսիսային Կիպրոսի ինքնահռչակ Հանրապետության նախարարների խորհուրդը որոշեց միակողմանիորեն բացել անցակետերը:
