10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
ՌԴ-ում ռազմական պարետատան շենքում պայթյուն է տեղի ունեցել. զոհեր կան
Քաղաքականություն
17.02.2026 | 17:21
ՌԴ Լենինգրադի մարզի Վսևոլոժսկի շրջանում գտնվող ռազմական պարետատան շենքում պայթյուն է տեղի ունեցել։ Պատճառը դեռևս հայտնի չէ, գրում է Meduza-ն։
Հաղորդվում է, որ Սերտոլովո քաղաքում պարետատան շենքի երկրորդ և երրորդ հարկերը մասամբ փլուզվել են, որի հետևանքով երկու մարդ է զոհվել։ Փլատակների տակ կարող է ևս երեք կամ չորս մարդ լինել։
Mash տելեգրամյան ալիքի հաղորդմամբ՝ պայթյունը տեղի է ունեցել Մոսկվայի ժամանակով ժամը 14:20-ի սահմաններում՝ շենքի երրորդ հարկում։ Արտակարգ իրավիճակների ծառայությունները մաքրում են փլատակները։
Լենինգրադի մարզի նահանգապետ Ալեքսանդր Դրոզդենկոն հայտարարել է, որ «հրահանգել է իրավապահ մարմիններին օգնել զինվորականներին փլատակները մաքրելու և շենքի փլուզման հետևանքով վիրավորներին փրկելու հարցում»։ Նրա գրառման մեջ նշվում է, որ պայթյունը տեղի է ունեցել «Սերտոլովոյի զորամասի տարածքում գտնվող ռազմական ոստիկանության շենքում»։
47news-ը հաղորդում է պայթյունի հետևանքով երեք զոհի մասին։
Թարգմանությունը՝ Էմմա Չոբանյանի
