02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Ժնևում մեկնարկել է ԱՄՆ-ի և Իրանի բանակցությունների երկրորդ փուլը
Քաղաքականություն
17.02.2026 | 14:18
Ժնևում մեկնարկել է ԱՄՆ-ի և Իրանի պաշտոնյաների միջև անուղղակի բանակցությունների երկրորդ փուլը, հայտնում է Al Jazeera-ն։ Իրանի արտաքին գործերի նախարար Աբբաս Արաղչին Օմանի իր պաշտոնակից Բադր բին Համադ ալ-Բուսաիդիի միջոցով կբանակցի ԱՄՆ նախագահի բանագնացներ Սթիվ Ուիթկոֆի և Ջարեդ Քուշների հետ։
Իրանի ԱԳՆ խոսնակ Էսմայիլ Բաղային Իրանի պետական հեռուստատեսությանը հայտնել է, որ բանակցություններն արդեն ընթանում են, երկու կողմերն էլ իրենց տեսակետները կիսում են միջնորդի՝ Օմանի արտաքին գործերի նախարար Բադր Ալբուսաիդիի հետ։
Բաղային ասել է, որ քննարկումների հիմնական թեման միջուկային հարցերն են՝ հավելելով, որ Իրանի և ՄԱԳԱՏԷ-ի միջև բանակցություններ են տեղի ունեցել երեկ, և որ, ըստ տեղեկությունների, նմանատիպ քննարկումներ են տեղի ունենում նաև այսօր ԱՄՆ պատվիրակության և ՄԱԳԱՏԷ-ի գլխավոր տնօրենի միջև։
Ավելի ուշ Արաղչին կմասնակցի ՄԱԿ-ում կայանալիք միջազգային հանդիպմանը և կներկայացնի Իրանի դիրքորոշումները։
Ըստ Իրանի ԱԳՆ ներկայացուցչի՝ բանակցություններն ու քննարկումները, ինչպես սպասվում է, կշարունակվեն մինչև կեսօր։
Այսօր առավոտյան ամերիկյան կողմը բանակցություններ է վարել Օմանի արտաքին գործերի նախարարի հետ, ամերիկյան կողմին են փոխանցվել Իրանի տեսակետները միջուկային հարցերի, պատժամիջոցների վերացման և ցանկացած փոխըմբռնման շրջանակի վերաբերյալ։
Թարգմանությունը՝ Էմմա Չոբանյանի
